Սիրիայի խորհրդարանում հայ համայնքը կներկայացնի երկու պատգամավոր
ՄԻՋԱԶԳԱՅԻՆNews.am-ը գրում է.
Սիրիայում խորհրդարանական ընտրությունների արդյունքում այդ երկրի հայ համայնքը խորհրդարանում կունենա երկու պատգամավոր։ Հայ առաքելական եկեղեցու Բերիո թեմի մամուլի ծառայության փոխանցմամբ, Սիրիայի խորհրդարանում հայ համայնքը կներկայացնեն Ժիրայր Ռեիսյանը եւ Նորա Արիսյանը։
Սիրիայի պետական ՍԱՆԱ գործակալությունը հայտնում է, որ Սիրիայի ընտրությունների բարձրագույն դատական կոմիտեն հայտարարել է երկրի խորհրդարանի ընտրությունների արդյունքները, որոնք կայացել են ապրիլի 13-ին։
Կոմիտեի նախագահ Հիշամ աշ-Շաարը մամուլի ասուլիսի ժամանակ հայտարարել է յուրաքանչյուր նահանգից վերընտրված պատգամավորների անունները։ Նրա խոսքով, ընտրելու իրավունք ունեցող 8 834 994 քաղաքացիներին քվեարկությանը մասնակցել է 5 085 444-ը։ Այսպիսով, ընտրություններին մասնակցությունը կազմել է 57,56 տոկոս։



