Միջադեպեր՝ Հրազդանի 25/15 տեղամասում

Aysor.am-ը գրում է.

Ինչպես հայտնի է, այսօր Հրազդանում քաղաքապետի ընտություններն են: Ինչպես Հրազդանից հաղորդում է Aysor.am-ի թղթակիցը, մինչև 10.30-ը միջադեպեր չեն գրանցվել: Դրանից հետո, սակայն,  25/15 տեղամասում տեղի ունեցավ մի  միջադեպ, որը հարուցեց գործող քաղաքապետ Արամ  Դանիելյանի վստահված անձանց դժգոհությունը:

Բանն այն է, որ ընտրության էր եկել 80-ամյա մի կին, ով չէր կարողանում բարձրանալ տեղամաս: Կնոջն օգնելու նպատակով քվեաթերթիկը մոտեցրեցին նրան ու նա ընտրական պարտքը կատարեց ընտրատեղամասի դիմաց՝ մեքենայում.

«Այո, նման բան եղել է, այն սկզբում դժգություն հարուցեց, բայց ես կարողացա ապացուցեկ վստահված անձանց և հանձնաժողովի անդամներին, որ ամեն բան կարգին է»,- Aysor.am-ին ասաց 25/15 հանձնաժողովի նախագահ Նորիկ Բարեղամյանը:

Նա նշեց, որ քվեաթրիթիկը տեղամասից հանելիս տեղյակ են պահվել դիտորդները, լրագրողները, բոլորը. «Այդ ամբողջ գործընթացը նկարահանվել է»:

Այս տեղամասում Սասուն Միքայելյանի վստահված անձ Արմեն Առաքելյանը նշեց, որ միջադեպի հետ կապված ոչ մի դժգություն չունի: Ընտրատեղամասում  Արամ Դանիելյանի վստահված անձ Արթուր Կարապետյանը ասաց, որ դժգոհություններ ուներ, սակայն միջադեպը հարթվեց: Վերջինիս հետ զրույցն ընդհատեց «Հայք» կազմակերպության դիտորդ  Լիլիթ Աթոյանը, ով նշեց, որ ինքը բազմաթիվ միջադեպերի ականատես է եղել.

«Եղել են միջադեպեր, շատ են եղել. Ինչո՞ւ չեք ասում, որ Սասուն Միքայելյանի վստահված անձը պարբերաբար հայտարարում է,  որ ծերեր են գալիս, ում օգնել է պետք ու օգնողներն էլ հատուկ մարդիկ են, որ սպասում են դրսում»,- ասաց նա՝ ավելացնելով, որ  բազմիցս հորդորել է նրան դադարեցնել նման պահվածքը:

Նշենք, որ  այս պահին Հրազդանում ընտրողները ակտիվ մասնակցում է քվեարկությանը: