Ֆրանսիայում Օլանդի ժողովրդականության մակարդակը հասել է ռեկորդային ցածր նշագծի

Ֆրանսիայի նախագահ Ֆրանսուա Օլանդի աջակցման մակարդակը թարմացրել է հերթական հակառեկորդը՝ հասնելով Հինգերորդ հանրապետության պատմության մեջ աննախադեպ ցածր մակարդակի: Այդ մասին, ինչպես տեղեկացնում է «Արմենպրես»-ը, վկայում են Ifop ինստիտուտի անցկացրած հասարակական կարծիքի հարցման արդյունքները, որոնÖ „ ապրիլի 17-ին հրապարակվել Journal du Dimanche թերթում:

Հետազոտության արդյունքների համաձայն՝ մարտից մինչեւ ապրիլ ընկած ժամանակաշրջանում Օլանդի ժողովրդականության վարկանիշն ընկել է երեք կետով՝ կանգ առնելով 14 տոկոսի նշագծի վրա: Նրա սակավաթիվ կողմնակիցների միայն 2 տոկոսն է նշել, որ «շատ գոհ է» նախագահի գործողություններից: Հարցվածների եւս 12 տոկոսը հայտարարել է, որ «ավելի շուտ գոհ է» Օլանդի քաղաքականությունից:

Իսկ պետության գործող ղեկավարի հակառակորդների թիվն արդեն հասել է 85 տոկոսի: Նրանցից նախագահի աշխատանքից «ավելի շուտ դժգոհ է» հարցվածների 39 տոկոսը, իսկ «շատ դժգոհ է» հարցման մասնակիցների 46 տոկոսը: Հարցվածների եւս 1 տոկոսը ձեռնպահ  մնացել պատասխանից:

Journal du Dimanche-ի գնահատմամբ՝ խոսքը վերաբերում է «Հինգերորդ հանրապետության պատմության մեջ չտեսնված իրավիճակի», որը Ֆրանսիայում հաստատվել է 1958 թվականին: «Հավասար իրավիճակում, այսինքն՝ նախագահական ընտրություններից մեկ տարի առաջ, Ֆրանսուա Օլանդի նախորդներից ոչ մեկը՝ դե Գոլից մինչեւ Սարկոզի, ներառյալ Ժիսկարը, Միտերանը եւ Շիրակը, հավանության նման ցածր մակարդակ չի ունեցել»,- նշում է հրատարակությունը, հիշեցնելով, որ 2011 թվականին համանման իրավիճակում Նիկոլյա Սարկոզիի աջակցության մակարդակը կազմում էր 28 տոկոս, հաղորդել է ՏԱՍՍ-ը: