ԵՄ-ից դուրս գալը Մեծ Բրիտանիայի յուրաքանչյուր ընտանիքի վրա տարեկան կնստի ավելի քան 6 հազար դոլար

Եվրամիությունից Միացյալ Թագավորության դուրս գալու դեպքում յուրաքանչյուր բրիտանական ընտանիքի տարեկան կորուստները կկազմեն 4,6 հազար ֆունտ ստեռլինգ (6,1 հազար դոլար): Այդ մասին, ինչպես տեղեկացնում Է «Արմենպրես»-ը, Մեծ Բրիտանիայի ֆինանսների նախարար Ջորջ Օսբոռնը հայտարարել Է հոդվածու մ, որը հրապարակել Է The Times թերթը:

«Գանձապետարանի վերլուծությունը ցույց Է տալիս, որ ԵՄ-ին Մեծ Բրիտանիայի անդամակցության ցանկացած հնարավոր այլընտրանքի դեպքում մենք նվազ բաց եւ փոխկապակցված տնտեսություն կունենանք ոչ միայն Եվրոպայի հետ, այլեւ, ինչը պետք Է հատկապես ընդգծել, մնացած ամբողջ աշխարհի հետ: Կպակասեն առեւտուրը, ներդրումները եւ գործարարությունը: Դուրս եկեք ԵՄ-ից եւ կբախվեք հետեւյալ փաստերին՝ Մեծ Բրիտանիան անդառնալիորեն կաղքատանա»,-գրել Է Օսբոռնը, հավելելով, որ բրիտանական ընտանիքներն այս դեպքում կարժանանան իրենց երկրի ճակատագրին:

Նախարարը նաեւ հայտարարել Է, որ Բրյուսելի հետ Լոնդոնի փոխհարաբերությունների ոչ մի այլ մոդել, բացի Եվրամիությանը Մեծ Բրիտանիայի անմիջական անդամակցությունից, չեն ապահովի Թագավորության ուղղակի մուտքը միասնական շուկա: Իսկ դուրս գալուց հետո Լոնդոնի եւ Բրյուսելի միջեւ նոր համաձայնագրի ստորագրման տարբերակը կհանգեցնի այն բանին, որ բրիտանական տնտեսությունն անկում կապրի 6 տոկոսի չափով:

«Եզրակացությունը պարզ Է՝ թե՛ բրիտանական տնտեսության, թե՛ ընտանիքների համար ԵՄ-ից դուրս գալը անիմաստ վերք կլինի, որը ինքներս կհասցնենք մեզ»,-ընդգծել Է ֆինանսների նախարարության ղեկավարը:

Ֆինանսների նախարարության կողմից պատրաստված 200-Էջանոց վերլուծությունը, որում խոսվում Է ինչպես ԵՄ-ին Մեծ Բրիտանիայի հետագա անդամակցությունից, այնպես Էլ մայրցամաքային Եվրոպայի եւ Միացյալ Թագավորության միջեւ հարաբերությունների կառուցման այլընտրական տարբերակներից վնասների եւ օգուտների մասին, հրապարակվելու Է արդեն ապրիլի 18-ին, հաղորդել Է ՏԱՍՍ-ը: