Հայ-ֆրանսիական մանկական նվագախմբի անդամներն այցելեցին Մատենադարան

 Հայ-ֆրանսիական մանկական նվագախմբի երաժիշտներն այցելեցին Մեսրոպ Մաշտոցի անվան Մատենադարան-հին ձեռագրերի գիտահետազոտական ինստիտուտ: Հայաստանում արդեն իսկ երկու համերգով հանդես եկած պատանիներն ապրիլի 20-ին շրջեցին ինստիտուտի տարածքով, ծանոթացան ներկայացվող նմուշներին և կառույցի ստեղծման պատմությանը:

«Նվագախմբի` ապրիլի 18-ին Աշտարակում և 19-ին Գյումրիում կայացած համերգները բավականին լեցուն դահլիճներով անցան և մեծ հետաքրքրություն առաջացրին: Եվ ծրագիրն էր հետաքրքիր, և համերգներն էին բավականին հաջողված: Ֆրանսիացի երեխաներն առաջին անգամ են Հայաստանում, շատ հետաքրքրված են»,-«Արմենպրես»-ի հետ զրույցում նշեց Երևանի Չայկովսկուանվան երաժշտական միջնակարգ մասնագիտական դպրոցի տնօրենՄարտուն Կոստանդյանը:

Նրա տեղեկացմամբ` նվագախմբի այցը հագեցած է մշակութային ծրագրով: «Գրաֆիկը կազմելիս մենք շատ կարևորել ենք մի փաստ: Լինելով հզոր մշակութային պետություն, որն ունի դարավոր պատմություն, մենք ցանկացել ենք, որ նրանք ծանոթանան նաև մեր մշակութային օջախներին»,-նշեց Մարտուն Կոստանդյանը:

Ռոմանի կոնսերվատորիայի թավջութակի պրոֆեսոր Տարոն Կարապետյանըմեզ հետ զրույցում տեղեկացրեց, որ կոնսերվատորիայից Հայաստան է եկել 22 պատանի:

«Նվագախումբն անցյալ տարի համերգներ է ունեցել Ֆրանսիայի քաղաքներում: Հնչել են հիմնականում հայ կոմպոզիտորների ստեղծագործություններ: Ֆրանսիացի հանդիսատեսը շատ լավ ընդունեց մեր համերգները: Այստեղ մեր ծրագիրը ներառում է հիմնականում ֆրանսիացի կոմպոզիտորների գործեր»,-հավելեց նա:  

Նվագախմբի անդամ թավջութակահարուհի Կարոլան Գոնեն Ժուբերը Տարոն Կարապետյանի սանն է: «Շատ ուրախ եմ այս ճամփորդությանը մասնակցելու համար: Հետաքրքիր է նվագել այլազգի պատանիների հետ: Շատ լավ մթնոլորտ է տիրում »,-նշեց նա`հավելելով, որ Մատենադարանի մասին չէր լսել, սակայն իր համար միշտ շատ տպավորիչ է տեսնել հին իրեր:

Հայաստանում ապրիլի 14-24-ն անցկացվում են Հայ-ֆրանսիական մանկական նվագախմբի համերգները: Երևանի Պ. Չայկովսկու անվան երաժշտական միջնակարգ մասնագիտական դպրոցի, Ստեփանակերտի Սայաթ-Նովայի անվան երաժշտական քոլեջի և Ռոմանի կոնսերվատորիայի 95 սաներից բաղկացած նվագախմբի երաժիշտները 10-15 տարեկան պատանիներ են: Նվագախումբը երեք համերգ էր ծրագրել Հայա ստանում. երկուսն արդեն իսկ անցկացվել են մարզերում: Վերջինը տեղի կունենա Երևանում ապրիլի 22-ին, «Արամ Խաչատրյան» համերգասրահում: Համերգային ծրագրում կհնչեն հայ և ֆրանսիացի կոմպոզիտորներիստեղծագործություններ:

Նվագախմբի բեմելը կայացավ Ֆրանսիայում 2015 թվականին: Այն Հայոց ցեղասպանության տարելիցին նվիրված համերգներով հանդես է եկել Ֆրանսիայի Ռոման, Լիոն,Վալանս, Սենտ Էտյեն քաղաքներում: Նվագախմբի համերգային ծրագիրն ամբողջությամբ կազմված էր հայ կոմպոզիտորների ստեղծագործություններից` Կոմիտաս, Ա.Խաչատրյան, Է. Միրզ ոյան, Ա. Հարությունյան, Ռ. Ալթունյան, Վ. Շարաֆյան, Ա. Սաթյան: Նախագծի կազմակերպիչներն են Երևանի Պ. Չայկովսկու անվան միջնակարգերաժշտական մասնագիտական դպրոցը և Ֆրանսիայի Ռոմանի կոնսերվատորիան:  Աջակիցն է ՀՀ մշակույթի նախարարությունը: