Երևանում մարվեց «PostEurop»-ի համաժողովին նվիրված նամականիշ

Եվրոպայի հանրային փոստային օպերատորների «PostEurop» ասոցիացիայի` տարածաշրջանում առաջին լիագումար ժողովի շրջանակներում տեղի ունեցավ համաժողովին նվիրված նամականիշի մարում: «Արմենպրես»-ի փոխանցմամբ` արարողությունը կատարվեց ՀՀ կապի ու տրանսպորտի նախարար Գագիկ Բեգլարյանի,«ՀայՓոստ» ՓԲԸ հավատարմագրային կառավարիչ, ընկերության դիտորդ խորհրդի նախագահ Խուան Պաբլո Գեչիջյանի,Համաշխարհային փոստային միության գլխավոր տնօրեն Բիշար Հուսեյնի և «PostEurop» կառավարման խորհրդի ղեկավար Ժան-Փոլ Ֆորսևիլի մասնակցությամբ:

Շրջանառության մեջ դրված մեկ նամականիշով գեղաթերթիկի թողարկման օրը 2016 թվականի ապրիլի 20-ն է, հեղինակներն են Խուան Պաբլո Գեչիջյանն ու Վահագն Մկրտչյանը: Նամականիշի չափը` 43.2/43.2, գեղաթերթիկի չափը` 120/60մմ: Տպաքանակը 20 հազար օրինակ, Կանադայի Lowe-Martin տպարան:

Ապրիլի 20-21-ին «Հայփոստ» ՓԲԸ-ի նախաձեռնությամբ Երևանում անցկացվում է Եվրոպայի հանրային փոստային օպերատորների ասոցիացիայի՝ «PostEurop»-իտարեկան 31-րդ լիագումար համաժողովը: Այս միջոցառման շրջանակում Հայաստանեն ժամանել Համաշխարհային փոստային միության գլխավոր տնօրեն ԲիշարՀուսեյնը, «PostEurop» կազմակերպության գործադիր խորհրդի նախագահ Ժան Պոլ Ֆորսևիլը և գլխավոր քարտուղար Բոտոնդ Սեբենը, ինչպես նաև 40 երկրներիփոստային կապի ազգային օպերատորների շուրջ 120 ներկայացուցիչներ: Համաժողովի բացման արարողությանը խոսքով հանդես եկավ նաև ՀՀ կապի և տրանսպորտի նախարար Գագիկ Բեգլարյանը:

«PostEurop»-ն ասոցիացիա է, որը ներկայացնում է եվրոպական փոստային օպերատորներին: «PostEurop»-ն ունի 2.1 միլիոն աշխատակիցներ ողջ Եվրոպայում, ովքեր օրական սպասարկում են մինչև 800 միլիոն հաճախորդների ավելի քան 175 հազար սպասարկման կետերի միջոցով: