Արգենտինայում որոշվել Է աշխարհի լավագույն սոմելիեն
ՄԻՋԱԶԳԱՅԻՆՇվեդ Յոն Արվիդ Ռոսենգրենը աշխարհի լավագույն սոմելիեն (մատռվակը) Է ճանաչվել Արգենտինայում անցկացված մրցույթի եզրափակիչ փուլի ընթացքում: Այդ մասին, ինչպես տեղեկացնում Է «Արմենպրես»-ը, հայտնել են Ֆրանսիայի զանգվածային լրատավամիջոցները:
31-ամյա Ռոսենգրենն աշխատում Է Նյու Յորքի "Charlie Bird" ռեստորանում: Նա ունի բազմաթիվ բարձր պարգեւներ. 2009 թվականին նա դարձել Է սկանդինավյան երկրների լավագույն մատռվակը, 2010 եւ 2011 թվականներին՝ Շվեդիայի լավագույն մատռվակը, 2013-ին՝ Եվրոպայի լավագույն մատռվակը:
Այս տարվա մրցույթին մասնակցել Է 61 մարդ աշխարհի 58 երկրներից:
Մրցույթը տեղի Է ունեցել Մենդոսա քաղաքում՝ համանուն նահանգի մայրաքաղաքում, նահանգ, որն արտադրում Է Արգենտինայի գինիների մեծ մասը:
Մրցույթում եղել են առաջադրանքներ՝ կապված մատուցման, համտեսի, համադամագիտության եւ գինու աշխարհագրության, ինչպես նաեւ խաղողի տարբեր սորտերի հետ, հաղորդել Է «Ինտերֆաքս»-ը:



