Եվրոպական մետալը նոր համերգներով վերադառնում է Հայաստան

Միջազգային ճանաչում ունեցող The Algorithm և Sadist խմբերը հերթական ելույթը կունենան Երևանում: Համերգները կրկին նախաձեռնել է «Zhesht Events»-ը:

Էլեկտրոնային երաժշտությունը պրոգրեսիվ մետալի և ջենտի հետ համադրող ֆրանսիական The Algorithm խումբը առաջին անգամ  2013 թվականի ապրիլին է ելույթ ունեցել Երևանում:

Համերգի կազմակերպիչ Արսեն Հակոբյանը «Արմենպրես»-ի հետ զրույցում պատմեց, որ վերջերս նամակ է ստացել The Algorithm-ի մենեջերից. խումբն սկսել է իր շրջագայությունը և շատ է ուզում նորից գալ Հայաստան: Արսենը կապ է հաստատել խմբի հիմնադիր անդամ Ռեմիի հետ, և նրանք  անմիջապես պայմանավորվել են կազմակերպել The Algorithm-ի երկրորդ համերգը Երևանում:

«Նախորդ համերգը փոքր էր. ներկա էին մոտ 100 հոգի, բայց բոլորը շատ գոհէին, այդ թվում և խումբը: Ելույթի վերջում բոլորը զարմացած էին, թր լավշոու էր, թեպետ կային մարդիկ, ովքեր տարակուսանքով էին եկել համերգին, որովհետև լավ ծանոթ չէին The Agorithm-ի երաժշտությանը. այն բավականին յուրօրինակ է իր ոճի մեջ»,- նշեց Հակոբյանը: Արսենն ասում է, որ դա «Zhesht Events»-ի կազմակերպած համերգներից էներգիյով ամենալեցունն էր, և դրանից մնացել են շատ լավ հիշողություններ:

«Նրանք, ովքեր եղել են նախորդ համերգին,անհամբերությամբ սպասում են խմբի երկրորդ ելույթին: Մենք զուգահեռաբար փորձում ենք նաև ներգրավել նոր մասնակիցների»,- հավելեց կազմակերպիչը: Համերգը տեղի կունենա ապրիլի 30-ին, իսկ բացումը կանի հայկական Unaesthetic խումբը:

Իտալական Sadist-ը միջազգային ճանաչում ունեցող առաջին դեթ մետալ խումբն էր, որ համերգ տվեց Երևանում 2008 թ.: Արսենի խոսքով՝ ծանր երաժշտություն նախընտրող հայաստանյան հասարակության համար դա մեծ իրադարձություն էր. մինչ այդ նման մասշտաբի մետալ համերգ Հայաստանում չէր եղել: Նա 2 տարի շարունակ կապի մեջ է եղել խմբի հետ, որպեսզի հարմար պահին կրկին հրավիրի Երևան: «Դեռևս պաշտոնական հայտարարություն չկա, պետք է ճշտել մի քանի կետեր, բայց համերգի համար ամեն ինչ պատրաստ է: Ակնկալում ենք տեսնել Sadist-ի ելույթը հունիսի երեքին և անհամբերությամբ սպասում 2008 թ. ստ ացած տպավորությունները վերապրելուն »,- ավելացրեց Հակոբյանը:

Նա հավելեց, որ «Zhesht Events»-ը պլանավորում է ևս 2 համերգ: Դրանցից մեկի ընթացքում կհնչի ոչ այնքան ծանր երաժշտություն, իսկ մյուսը կլինի Հայաստանում մինչ օրս կազմակերպված ամենածանր շոուն: Խմբի անունները շուտով կհայտարարվեն, բայց արդեն հայտնի է, որ երկրորդ խումբը Իսրայելից է: