Ովքե՞ր են և ու՞ր են մեր դիվանագետները

Սուրեն Սարգսյանը Ֆեյսբուքյան իր էջում գրում է.

Հայ դիվանագետը նա է, ում շնորհիվ ՄԱԿ գլխավոր քարտղարը չի գնում Բաքու, իսկ Հռոմի Պապը գալիս է Երևան։ Հայ դիվանագետը նա է, ով չի թողնում Մինսկի խմբի ձևաչափը դառնա ՄԱԿ ամբիոնի, կամ Իսլամական Կոնֆերանսի ձևաչափ, որտեղ հետևանքները՝ մեղմ ասած կանխատեսելի ու ոչ հայանպաստ են։ Հայ դիվանագետը նա է, ում աշխատանքի ընթացքում Չինաստանը երբեք զենք չի վաճառում Ադրբեջանին, բայց վաճառում է մեզ։ Հայ դիվանագետը նա է, ում ընդունող երկրի ղեկավարությունը պահի ազդեցության ներքո Վեհափառ Հայրապետից ավելի Առաքելական է դառնում։
Հայ դիվնագետը նա է, ով միջազգային կարևոր իրավական փաստաթղթում Nagorno Karabakh region of Azerbaijan նախադասությունը դարձնում է Nagorno Karabakh region in Azerbaijan, ինչը հետագայի համար փայլուն նախադեպ է դառնում:
Հայ դիվանագետը նա է, ով անկոչ հյուրի պես հայտնվում է Ալիևի մեծարման երեկոյին, այն վերածելով Ալիևի հիստերիայի երեկոյի։
Ու վերջապես Հայ դիվանագետը նա է, ով կարողանում է ադրբեջանական պատվիրակության վերելակը փչացնել, կես ժամ դրանց էնտեղ թողնել, որ ուշանան ելույթներից ու քվեարկությունից։ 

P.S. Հայ դիվանագետը նախարարից մինչ 21 ամյա կցորդն ու ռեֆերենտն է, ով ոչ պակաս հայրենասեր է, քան յուրաքանչյուր այլ հայորդի։

P.P.S. Յուրաքանչյուր ՀՀ քաղաքացի իրավունք ունի դառնալ դիվանագիտական ծառայող։ Եթե օժտված եք վերոնշյալ ունակություններից որևէ մեկով, կամ մի քանիսով, դիմեք ՀՀ ԱԳՆ կադրերի վարչություն կամ ԱԳՆ դիվանագիտական դպրոց։