Մարդիկ, ովքեր ունեն բիզնես, ձգտում են մտնել քաղաքականություն

Գագիկ Մամուլյանը Ֆեյսբուքյան իր էջում գրում է.

Մարդիկ, ովքեր ինչ որ կերպ տարբերվում են, ինչ որ բարեգործություններ են անում, մասնակցում են բողոքի ակցիաներին, անմիջապես դա կապվում է քաղաքական ինչ որ նկրտումների հետ: Սա մեծագույն խնդիր է, որը թույլ չի տալիս կայացնել ՀՀ քաղաքական դաշտը, թեև ունի օբյեկտիվ արմատներ: Մարդիկ, ովքեր ունեն բիզնես, ձգտում են մտնել քաղաքականության մեջ, ձեռք բերել լծակներ սեեփական բիզնեսին տանիք լինելու կամ գտնելու համար: Շատ ու շատ պատգամավորներ կան որ բիզնեսմեն են եղել, ապա նոր պատգամավոր ու մեծ հաշվով մեղավոր են ոչ թե իրենք, այլ իրավիճակն ու դրվածքը Հայաստանում: Որոշակի ծավալներից հետո, անգամ եթե բիզնեսդ աճում է խաղի բոլոր կանոնների սահմաններում, գալիս է մի պահ, որ շատ մարդու է խանգարում: Միայն այս խնդրի լուծումը, որի մի ճյուղն է նաև մոնոպոլիաները Հայաստանում իրավիճակը 70-80 տոկոսով կփոխեն: Քաղաքականություն պիտի մտնեն միայն քաղաքագետներն ու քաղաքականություն սիրողները: Եթե վերոնշյալ խնդիրը վերացվի Հայաստանում կսկսվի բիզնես մրցակցությունը բոլոր սոցիալական շերտերի մակարդակով, որովհետև Հայերս ունենք այդ բնատուր շնորհքը: Հայաստանում լավ ապրելու, շատ հարուստ լինելու միակ ուղին պիտի դառնա բիզնես անելը ու ոչ թե պատգամավոր, գյուղապետ, քաղաքապետ ու մարզպետ դառնալը: Բիզնեսի տանիքը պիտի լինի պետությունը: Իսկ էս ամենի համար մի բան է պետք Հայաստանին՝ առաջնորդ, ով կսիրի էս հողը ու չի համարի որ 5, 10, 15 տարով խոպան է եկել, կունենա ամբիցիաներ ու քաղաքական կամք, ի վերջո կուզի, որ սերունդներն իրեն ակնածանքով հիշեն, բան որ տեղի չի ունեցել մեր 25 ամյա անկախության ժամանակաշրջանում: