Աշխարհի 10 ամենափոքր պետությունները (լուսանկարներ)

1.    Մալդիվներ
Մալդիվյան Հանրապետությունը տեղակայված է Հնդկական օվկիանոսում և, ըստ տարածքի, ամենափոքր ասիական երկիրն է։ Երկրի տարածքը կազմում է 298 քկմ՝ 396 հազ. բնակչությամբ։ Երկրի մայրաքաղաք Մալեում ապրում է բնակչության մեկ երրորդը։ Երկիրը զարգանում է հիմնականում տուրիզմի շնորհիվ։



2.    Սեյշելյան կղզիներ
Սեյշելյան կղզիները զբաղեցնում են 455 քկմ տարածք՝ 84 հազ. բնակչությամբ։ Կղզիախումբը գտնվում է Մադագասկարի հյուսիսում և կազմված է Հնդկական օվկիանոսի 115 կղզիներից։ Կղզիներին հաջողվել է զարգանալ կոկոսի, վանիլի և դարչինի արտահանման շնորհիվ։ Սակայն 1976-ին անկախություն ձեռք բերելուց հետո երկրի եկամուտների հիմնական աղբյուրը դառնում է տուրիզմը։



3.    Լիխտենշտեյն
Այս պետությունը չունի ելք դեպի ծով։ Տարածքը կազմում է 160,4 քկմ։ Լիխտենշտեյնը սահմանակից է Շվեյցարիային և Ավստրիային և ամենահարուստ պետություններից մեկն է։ Այստեղ գրանցված ընկերությունների թիվն ավելին է, քան բնակիչներինը։



4.    Նաուրու
Նաուրուն տեղակայված է Խաղաղ օվկիանոսի հարավում՝ Միկրոնեզիայում։ Պետության տարածքը կազմում է 21.3 քկմ։ Նաուրուի Հանրապետությունն անկախություն է ձեռք բերել 1968-ին, սակայն տեղաբնակների համար կղզին հայրենի տուն է եղել 3.000 տարվա ընթացքում։ Այժմ երկրի բնակչությունը կազմում է մոտ 9.000 մարդ։ Նաուրու պետությունը չունի զինված ուժեր։



5.    Վատիկան
Վատիկանը փակ քաղաք-պետություն է, որը գտնվում է Հռոմի շրջաններից մեկում և զբաղեցնում է 44 հա տարածք։ Այն հիմնվել է 1929թ. և ղեկավարվում է Հռոմի պապի կողմից։ Պաշտոնապես Վատիկանի բնակիչները 800-ն են, իսկ մի քանի տասնյակ հազար իտալացիներ յուրաքանչյուր օր գալիս են այստեղ աշխատանքի։



6.    Մոնակո
Երկրորդ ամենափոքր երկիրը Մոնակոն է։ Վերջին 20 տարիների ընթացքում ծովի ցամաքելու շնորհիվ երկրի տարածքը մեծացել է և այժմ այն 2.02քկմ է։ Մոնակոն 2-րդ ամենափոքր միապետական պետությունն է։ Երկիրը համարվում է ամենախիտ բնակեցվածներից աշխարհում՝ 30.000 բնակիչ։ Հիմնական եկամուտը տուրիզմն է։



7.    Սենթ Քիթս և Նևիս Դաշնություն
Այս փոքրիկ պետությունը գտնվում է Հյուսիսային և Հարավային Ամերիկաների միջև՝ Ատլանտյան կղզիներում։ Պետությունը գտնվում է երկու կղզիներում՝ 261 ք/կմ տարածքով։ Սա առաջին կղզիներն էին, որոնք բնակեցվեցին եվրոպացիներով։



8.    Մարշալյան կղզիներ
Խաղաղ օվկիանոսի կենտրոնում գտնվող պետության տարածքը 181 քկմ է, բնակչությունը՝ 62 հազ.։ 1986-ին կղզիներն անկախություն են ստանում ԱՄՆ-ից, սակայն մինչ այժմ Ամերիկան է նրանց օգնում։



9.    Սան Մարինո
Սան Մարինոն զբաղեցնում է 61 քկմ տարածք և ունի ամենաքիչ բնակչությունը Եվրոպական խորհրդի անդամ երկրների թվում։ Սա աշխարհի ամենահին անկախ երկիրն է, հիմնվել է 301թ. սեպտեմբերի 3-ին։ Բացի այդ, Սան Մարինոն աշխարհի ամենահարուստ երկներից է, նրա եկամուտները գերազանցում են ծախսերը։



10.    Տուվալու
Տուվալուն նույնպես գտնվում է Խաղաղ օվկիանոսում և զբաղեցնում է 26 քկմ տարածք։ Տուվալուն անգլիացիներից անկախացել է 1978-ին։ Երկրի բնակչությունը կազմում է 10.500 մարդ։