Պապան գնացել ա սահման, որ չթողնի թուրքը գա մեր գյուղ

ՀԱՐՑԱԶՐՈՒՅՑ 27 Ապրիլ, 2016 13:55

Ադրբեջանի արկակոծության հետևանքով Հայաստան ներգաղթած Շահումյանի շրջանի Ականաբերդ գյուղի բնակիչ Սուսաննա Խաչատրյանն իր երեք որդիների հետ մի քանի շաբաթ է՝ ապաստանել է Ջերմուկում բնակվող իրենց ազգականի տանը:

Թեպետ ընտանիքը սովոր էր թշնամու կրակոցներին, բայց այս անգամ ավելի շատ էին վախեցել: Ընտանիքի հայրը, ահարկու ձայներից կռահելով, որ հակառակորդն այս անգամ ավելի հզոր զինտեխնիկա է օգտագործում, շտապել էր առաջնագիծ՝ օգնելու զինվորներին, պաշտպանելու իր գյուղն ու գյուղացներին:

Շահումյանի շրջանի Ականաբերդ գյուղը չնայած արկակոծության տակ չէր, բայց քանի որ Սուսանան հղի էր և չորրորդ երեխային էր սպասում, անվտանգության համար երեք զավակների հետ Հայաստան է եկել:

«Կրակոցերի ձայնին բոլորս էլ սովոր էինք, բայց այս անգամ կրակոցների ձայնը այնքան ուժգին էին, որ նույնիսկ մենք մեր գյուղում գտնվելով՝ վախենում էինք: Հարակից գյուղերի բնակիչները, ովքեր վտանգավոր գոտում էին բնակավում, տեղափոխվել են մեր գյուղ՝ Ականաբերդ»,- Past.am-ի հետ զրույցում նշեց Սուսաննան:

«Ադրբեջանի կողմից արկակոծումից մեր գյուղը չի վնասվել, երեխաներն են վախեցել: Ինքս էլ գտնվում եմ հղիության շրջանում, և մոտ օրերս լույս աշխարհ է գալու չորորդ բալիկս, ով նույնպես տղա է: Ուզում եմ, որ բալիկներս մեծանան խաղաղ երկրում, ուզում եմ որ սահմանին կանգնած մեր տղաները ողջ և առողջ վերադառնան իրենց ընտանիքներ»,- Past.am-ի հետ զրույցում պատմում է Սուսաննա Խաչատրյանը:

Սուսանան, ով կենսաբանության ուսուցչուհի է, այժմ գտնվում է արձակուրդում, սակայն պատմում եմ, երբ դասերի ժամանակ ադրբեջանը կրակում էր իրենց կամ հրևան գյուղերի ուղղությամբ, դպրոցականները վախենում էին, և րոպե շուտ ցանկանում տուն հասնել:

Սուսաննայի երեք որդիները՝ Դավիթը, Նարեկը և Միքայելը, պատմում են, որ կարոտել են իրենց հայրիկին, ով այժմ գտնվում է սահմանագծում:

«Պապան գնացել ա, որ չթողնի թուրքը գա մեր գյուղ»,- Past.am-ին պատմում է երեք տարեկան Նարեկը և ավելացնում, որ ինքը նույնպես մեծանալուն պես զինվոր է դառնալու ու պաշտպանելու իր եղբայրներին:

Ապրիլի 1-ի լույս 2-ի գիշերը շփման գծի հարավային, հարավարևելյան և հյուսիսարևելյան ուղղություններով հակառակորդը ձեռնարկել է բացահայտ հարձակողական գործողություններ` այլ զինատեսակների հետ միասին օգտագործելով հրետանի, զրահատեխնիկա և օդուժ:

Բացի առաջնագծում ընթացող մարտերից, հակառակորդը հրետանային հարվածներ է հասցրել խաղաղ բնակավայրերի և մի շարք զորամասերի մշտական տեղակայման վայրերին:

Նարեկ Միրզոյան / Past.am