Գիշերային առատ քրտնարտադրության պատճառները

Հիվանդությունները և քրտնարտադրությունը

Գիշերային չափից շատ քրտնարտադրությունը կարող է վկայել «հիպերհիդրոզ» կոչվող հիվանդության մասին: Այս հիվանդությունը բնորոշվում է նրանով, որ օրգանիզմը քրոնիկ կերպով արտադրում է չափից շատ քրտինք:

Գիշերային քրտնարտադրությունը կարող է նաև լինել քաղցկեղի՝ ավելի հաճախ լիմֆոմայի վաղ ախտանիշներից: Պետք է անցնել բժշկական հետազոտություն,եթե գիշերային քրտնարտադրության հետ մեկտեղ դուք ունեք նաև այնպիսի ախտանիշներ, ինչպիսիք են քաշի կտրուկ անկումն ու տենդը:

Բժիշկները հաճախ կապում են գիշերային քրտնարտադրությունը և որոշ վարակիչ հիվանդություններ, օրինակ տուբերկուլյոզը կամ այնպիսի մանրէային վարակներ, ինչպիսիք են էնդոկարդիտը (սրտի փականների բորբոքում), օստեոմելիտը (ոսկրային հյուսվածքի բորբոքում) և աբսցեսները: Գիշերային քրտնարտադրությունը հաճախ համարվում է նաև ՁԻԱՀ-ի ախտանիշ (կամ ՄԻԱՎ վարակ):

Օրգանիզմի հատուկ վիճակն ու քրտնարտադրությունը

Քրտնարտադրությունը կարող է լինել հորմոնային ֆոնի փոփոխության նշաններից մեկը, ինչը հաճախ հանդիպում է կանանց մոտ հատկապես դաշտանադադարի ժամանակաշրջանում:

Գիշերային քրտնարտադրությունը կարող է նաև առաջանալ հիպոգլիկեմիայի պատճառով (օրգանիզմի պաթոլոգիական վիճակ), որի ժամանակ արյան մեջ գրանցվում է շաքարի ցածր մակարդակ, ինչն ուղեկցվում է քրտնարտադրությամբ:

Դեղորայք և գիշերային քրտնարտադրություն

Եթե Դուք դեղորայք եք ընդունում, ապա հնարավոր է, որ դա լինի Ձեր գիշերային քրտնարտադրության պատճառը:

Ուշադիր կարդացե՛ք դեղամիջոցի բաղադրությունը,  ուշադրություն դարձրեք՝ արդյոք դրա մեջ մտնո՞ւմ են հետևյալ նյութերը.