VARDA-ն ու Սեւակը` Когда мы с тобой երգի շքեղ տեսահոլովակում

Անցած շաբաթ VARDA –ն ու Սեւակը ներկայացրեցին Когда мы с тобой երգի շքեղ տեսահոլովակը: Սեւակ Խանագյանին մենք հիշում ենք ռուսական «Ձայնը» հեռուստաանախագծում նրա շքեղ ելույթով, իսկ ահա VARDA–ից տեւական ժամանակ ստեղծագործական նորություններ չէինք լսում, բայց ըստ երեւույթին նա չի կարողացել դիմադրել տաղանդավոր երգիչ Սեւակի հետ համագործակցելու գայթակղությանը:

VARDA -ի խոսքով իրեն շատ է դուր եկել երգը, որի տեսահոլովակում ինքը պետք է կատարեր մոր դերը ու մանավանդ՝ երեխայի հետ տեսարանը:

«Ես զգացի, որ արդեն հասունացել եմ մոր կերպարի համար: Ասում են, որ նման դերերը ճակատագրական են լինում, ու գուցե շուտով իմ կյանքը արմատապես կփոխվի»:

Զվարճալի փաստ է, որ VARDA–ն Սեւակի հետ ծանոթացել է մանկական երաժշտական մրցույթում: Գուցե հենց այս փաստն է նրանց ոգեշնչել փորձել իրենց ընտանեկան զույգի ամպլուայում:

Ըստ սցենարի երկու ստեղծագործական մարդիկ՝ երաժիշտն ու պարուհին կորցրել են իրենց ստեղծագործական ոգեշնչումը: Իրենց աշխատանքում նրանք կորցրել են հետաքրքրությունը, սուզվել առօրեականության ճահճուտը: Բայց հանկարծ մի գիշեր սկսվում է մոգությունը՝ նրանք սկսում են իրար տեսնել կախարդական հայելու արտացոլանաքի մեջ: Տղան ու աղջիկը սիրահարվում են իրար ու այդ զգացմունքը դառնում է նրանց ոգեշնչումը. երաժիշտը նորից սկսում է հիասքանչ երգ գրել Когда мы с тобой, իսկ աղջիկը պարում է այդ երաժշտության ներքո:

Երբ մի գիշեր սիրահարված տղան նայում էր աղջկա պարը, աղջիկը սայթաքում է ու ընկնում, բայց տղան, որպես իսկական ասպետ որոշում է օգնության հասնել նրան՝ ջարդելով կախարդական հայելին: Այսպիսով սահմանները քանդվում են, ու սիրահարները հանդիպում են իրական կյանքում...

 

Նյութը՝ երգչուհու մամլո ծառայություն 

NEWS.am STYLE