Աստղեր, ովքեր զբաղվում են բարեգործությամբ

Չնայած շատ աստղեր են աջակցում բարեգործական կազմակերպություններին, բայց նրանց մեջ առանձնանում են մի քանիսը, ովքեր զբաղվում են նմանատիպ գործունեությամբ լրիվ ուրիշ հարթության վրա: Այդ հանրահայտ մարդիկ ծախսում են իրենց ժամանակը եւ փողերը բոլորի համար ավելի լավ, առողջ եւ անվտանգ աշխարհ ստեղծելու հույսով:

  Անջելինա Ջոլի

Անջելինա Ջոլին իր անունը կերտել է մեծ էկրանին, բայց նրա կատարած ամենակարեւոր գործը մնացել է կադրից դուրս. նա զբաղվում է բարեգործությամբ, աջակցում է տարբեր հիմնադրամներին, կազմակերպություներին եւ նախագծերին: Ջոլին հանդիսանում է ՄԱԿ-ի բարի կամքի դեսպան: Բացի դրանից, Ջոլին աջակցում է նաեւ «Յունիսեֆ», «Բժիշկներ առանց սահմանի», «Երեխաներ, ովքեր պաշտպանվելու իրավունք ունեն», «Օգնություն Աֆղանստանին» եւ այլ կազմակերպություններին: Նա նաեւ համահիմնադիրն է «Jolie-Pitt» սեփական հիմնադրամի, որը նա ստեղծել է իր ապագա ամուսնու՝ Բրեդ Փիթի հետ միասին:

  Բրեդ Փիթ

Բրեդ Փիթը, ինչպես եւ նրա հայտնի կողակից Անջելինա Ջոլին, մասնակցում է տարբեր բարեգործական միջոցառումների: Դերասանը աջակցություն է ցուցաբերում «Գլոբալ աշխատանքներ ի շահ երեխաների», «Կանաչ աշխարհ», «Մարդկանց իրավունքների պաշտպանություն», «8 կյանք» եւ «Jolie-Pitt» հիմնադրամներին:

 Բոնո

Բոնոն հանդիսանում է ոչ միայն իռլանդական հանրաճանաչ U2 ռոք խմբի մեներգիչ, այլեւ հայտնի մեկենաս՝ աջակցելով մեծ մասամբ այն կազմակերպություններին, որոնք ուղղված են պայքարելու սովի եւ աղքատության դեմ: Բոնոն օգնություն է ցուցաբերում այնպիսի հիմնադրամներին, ինչպիսիք են «Միջազգային համաներում», «Յունիսեֆ», «Կարմիր» եւ այլն:

 Օփրա Ուինֆրի

Թոք-շոուի հաղորդավար Օփրա Ուինֆրին հիմնադրել է «Oprah’s angel network» հիմնադրամը, որը օգնում է տարբեր մարդկանց: Բայց նրա ամենանշանակալի աշխատանքը եղել է Օփրա Ուինֆրիի անվան աղջիկների համար նախատեսված ակադեմիայի հիմնումը Հարավային Աֆրիկայում: Ակադեմիան օգնում է անապահով ընտանիքների աղջիկներին ուսում ստանալ:

   Ջորջ Քլունի

Ջորջ Քլունին աշխարհին հայտնի է ոչ միայն որպես նախանձելի ամուրի: Դերասանն ավելի մեծ գործ է կատարում. նա հայտնի է նաեւ իր բարեգործությամբ: Համահիմնադիրն է «Not On Our Watch» հիմնադրամի, որը ստեղծել է իր հայտնի գործընկերներ Բրեդ Փիթի, Դոն Չիդլի, Մեթ Դեյմոնի, Ջերի Ուայնթրաուբի հետ: Այդ կազմակերպությունը օգնություն է ցուցաբերում   Սուդանի Դարֆուր շրջանում ցեղասպանությունից տուժածներին:

 Մեթ Դեյմոն

Մեթ Դեյմոնը նույնպես հայտնի դերասան է, ով զբաղվում է բարեգործությամբ: Նա ոչ միայն «Not On Our Watch» բարեգործական հիմնադրամի համահիմնադիր է: Դեյմոնը մի քանի տարի է, ինչ մասնակցում է տարբեր բարեգործական նախագծերի, որոնք են «Հայտնիները երեխաների համար», «Ամերիկյան աղջիկների եւ տղաների ակումբ», եւ «Իյելե հիմնադրամ», որը գտնվում է Հայիթիում: Դեյմոնը նաեւ կազմակերպել է արշավ Սահարայում՝ «H20 Աֆրիկա» անվամբ:

  Բեն Աֆլեք

Բացի դրանից, որ նա համահիմնադիր է «Not On Our Watch» հիմնադրամի, նա նաեւ ստեղծել է «Փոփոխությունների փոքր ընկերություն» կազմակերպությունը հանրահայտ «Ameriqan Idol» հեռուստաշոուի հաղորդավար եւ ժյուրիի անդամ Էլեն Դեդջեներեսի հետ միասին: Ի հավելում դրան՝ Աֆլեքը մեծ ներդրումներ է անում «Ծնողներ, ընտանիք եւ լեզբուհիների ու գեյերի ընկերներ», «Կորած եւ շահագործվող երեխաների գործերի ազգային կենտրոն», «Ջիմիի հիմնադրամ» եւ «Փախստականների գործով ՄԱԿ-ի գլխավոր հանձնակատարի գրասենյակ» կազմակերպություններին: Աֆլեքը մեծ օգնություն է ցուցաբերում նաեւ քաղաքական ոլորտում. նա կոչ է անում քաղաքացիներին ակտիվ մասնակցել քաղաքական գործընթացներին եւ ընտրություններին:

Էլեն Դեդջեներես

Էլեն Դեդջեներեսը ոչ միայն հանդիսանում է  թոք-շոուի հաղորդավար եւ «Ameriqan Idol» հեռուստանախագծի ժյուրի. նա ակտիվ զբաղվում է բարեգործությամբ, մասնակցում է տարբեր համաժողովների, աջակցում է տարբեր հիմնադրամներին՝ մասնավորապես «Օգնություն Քաթրին փոթորիկից տուժածներին», «Օգնություն Կուռքից» նախագծին, «Փոփոխությունների փոքր ընկերության»-ը: Դրան ավելացրած՝ Էլենը աջակցում է կենդանիներին օգնություն ցուցաբերող տարբեր կազմակերպություններին՝ «Մարդկային հասարակություն», «Ամերիկյան կազմակերպություն ի պաշտպունություն վայրի ձիերի», «Կենդանիների պաշտպանության միություն»:

  Սքարլետ Յոհանսոն

Սքարլետ Յոհանսոնը հանրաճանաչ, տաղանդավոր եւ գեղեցիկ հոլիվուդյան դերասանուհի է, բայց այս գեղեցկուհին գրավիչ արտաքինից բացի առանձնանում է իր բարությամբ: Նա շատ ժամանակ է նվիրում տարբեր բարեգործական միջոցառումներին եւ նախագծերին: Նրա անունը կապված է այնպիսի կազմակերպությունների հետ, ինչպիսիք են՝ «Կարմիր», «Օքսֆամ», «ԱՄՆ-ի բերքը», «Փոխենք աղքատության պատմությունը»,« Not On Our Watch» եւ «Սպիդի դեմ պայքարի համաշխարհային օրը»:

 Ջասթին Տիմբերլեյք

Ջասթին Տիմբերլեյքը սկսել է ելույթ ունենալ բավական երիտասարդ տարիքում: Նրա սերը երաժշտության հանդեպ բերեց նրան երաժշտական գործունեության ոլորտում բարեգործական աշխատանքների. նա աջակցում է այնպիսի հիմնադրամների, ինչպիսիք են՝ «Խնամք երաժշտությանը», «Օգնություն երաժիշտներին», «Երաժշտություն օգնության համար»: Ջասթինը հիմնադրել է «Ջասթին Տիմբերլեյք» հիմնադրամը, որը զբաղվում է երաժշտական կրթությամբ: Բացի դրանից, երգիչը աջակցում է նաեւ «Օքսֆամ», «Վերահսկողություն երեխաների նկատմամբ» եւ «Մարդկության համար ապրելու միջավայր» կազմակերպություններին: