Եվրոպական կազմակերպությունների գործակցությունը շատ խնդիրների լուծման ուղին Է. Ուկրաինայի հայերի միության նախագահ

Եվրոպական կազմակերպությունների փոխգործակցությունը բազմաթիվ խնդիրների լուծման ուղին Է: Այդ մասին, ինչպես տեղեկացնում Է «Արմենպրես»-ը, AnalitikaUA.net-ի մեկնաբանության մեջ հայտարարել Է Ուկրաինայի հայերի միության նախագահ Վիլեն Շատվորյանը՝ ամփոփելով Սփյուռքների միջազգային խորհրդաժողովի արդյունքները, որը տեղի Է ունեցել Եվրախորհրդարանում:  

Նրա կարծիքով՝ ձեռք բերված պայմանավորվածությունները թույլ կտան ընդլայնել համագործակցության ոլորտը:

«Եվրոպական կազմակերպությունների գործակցությունը բազմաթիվ խնդիրների լուծման ուղին Է: Հաճախակի շփումները եւ միջազգային ասպարեզում ձեռք բերված պայմանավորվածությունները կարեւոր գործընկերների հետ գործողությունների համակարգման իրական հնարավորություն Է»,- ասել Է նա:

Նշենք, որ մայիսի 2-ին Ուկրաինայի հայերի միության պատվիրակությունը՝ նրա ղեկավար Վիլեն Շատվորյանի գլխավորությամբ, Եվրախորհրդարանում մասնակցել Է «Սփյուռքների Եվրոպա» միջազգային խորհրդաժողովին:

Խորհրդաժողովի ձեւաչափը դրա մասնակիցներին աննախադեպ հնարավորություն Է ընձեռել եվրոպայի ղեկավարների, քաղաքական գործիչների, ակտիվիստների ու փորձագետների հետ շփվել Եվրոպայի սփյուռքների դերի, տեղի ու տեսլականի շուրջ:

Միջոցառումն անցկացվել Է «Սփյուռքների Եվրոպայի»՝ եվրոպական սփյուռքների միջեւ փորձի փոխանակմանը, նրանց փոխգործակցությանն օժանդակող հանրակցության զարգացող նախագծի շրջանակներում:

Նախագծի կազմակերպիչներեն են Համահայկական բարեգործական միությունը (AGBU), «Phiren Amencaե կամավորական ընկերությունը, Հրեա ուսանողների եվրոպական միությունը (EUJS), ինչպես նաեւ Եվրամիության կրթության, լսա- տեսա- տեղեկատվության գործակալությունը:

Ինչպես արդեն հաղորդվել Է, 2013 թվականից միջազգային համագործակցությունը դարձել Է Ուկրաինայի հայերի միության զարգացման գերակա ուղղությունը: Միության ներկայացուցիչները հարթակներ են ստեղծում ԱՄՆ-ի, Եվրոպայի եւ այլ տարածաշրջանների հետ համագործակցելու համար: