Ի՞նչ կրթություն ունեն նախագահների զավակները

Wnews.am-ը գրում է.

Նրանք ունեն որակյալ կրթություն ստանալու բոլոր հնարավորությունները, իսկ իրենց բուհում ամենաքննարկվող ուսանողներից են, քանի որ իրենք երկրի առաջին դեմքի զավակներն են։

Wnews.am-ը ներկայացնում է տարբեր երկրների նախագահների զավակների կրթությունը։

ՀՀ նախագահ Սերժ Սարգսյանի դուստր Անուշը մասնագիտությամբ իրավաբան է։

Նախագահի մյուս դուստրը՝ Սաթենիկը, ավարտել է Երեւանի պետական համալսարանի տնտեսագիտության ֆակուլտետը։

ԱՄՆ նախագահ Բարաք Օբամայի ավագ դուստր 17-ամյա Մալիան 2017-ի աշնանը պատրաստվում է սովորել Հարվարդի համալսարանում։ Այս գարնանը նա ավարտում է Վաշինգտոնի Sidwell Friends դպրոցը։ Մալիան իր ազատ մեկ տարին պատրաստվում է նվիրել հասարակական գործունեությանը։

Ռուսաստանի նախագահ Վլադիմիր Պուտինի ավագ դուստրը՝ Մարիան, սովորել է Սանկտ Պետերբուրգում տեղակայված գերմանական Պետերշուլ գիմնազիայում։1999 թվականից անցել է անհատական ուսուցման։ 2014թ. Մարիա Պուտինան ընդունվել է Սանկտ Պետերբուրգի պետական համալսարանի կենսաբանական-հողագործական ֆակուլտետ։

Եկատերինա Պուտինան եւս ընդունվել է Սանկտ Պետերբուրգի պետական համալսարան. մասնագիտությունը՝ ճապոնագետ։

Բելառուսի նախագահ Ալեքսանդր Լուկաշենկոյի ավագ որդին՝ Վիկտորը, ավարտել է Բելառուսի պետական համալսարանի միջազգային հարաբերությունների ֆակուլտետը։

Ղազախստանի նախագահ Նուրսուլթան Նազարբաեւի ավագ դուստր Դարիան երեք տարի սովորել է Մոսկվայի Լոմոնոսովի անվան  պետական համալսարանի պատմության ֆակուլտետում, որից հետո ավարտել է Ղազախստանի պետական համալսարանը, ավարտել Մոսկվայի պետական համալսարանի ասպիրատնուրան։

Ուկրաինայի նախագահ Պյոտր Պորոշենկոյի ավագ որդին՝ Ալեքսեյը, ավարտել է Կիեւի Շեվչենկոյի անվան ազգային պետական ինստիտուտը «Միջազգայիբ բիզնես» մասնագիտությամբ։Նա նաեւ Լոնդոնի տնտեսագիտության եւ քաղաքական գիտությունների դպրոցի շրջանավարտ է, ավարտել է Ֆրանսիայի միջազգային բիզնես դպրոցը։

Լուսանկարում Ալեքսանդրա Պորոշենկոն է

Պորոշենկոյի զույգ դուստրերը՝ Ալեքսանդրան եւ Եվգենիան սովորում են Կլովսկու լիցեյի օտար լեզուների բաժնում։ Քոլեջն ունի 65 տարվա պատմություն։ Այստեղ սովորում են 13- 19 տարեկան ուսանողներ։ Քոլեջը նախապատրաստում է նրանց առաջատար բրիտանական բուհեր ընդունվելու համար։

Լուսանկարում Եվգենիա Պորոշենկոն է

Պորոշենկոյի կրտսեր որդին եւս սովորում է Կիեւի Կլովսկու լիցեյում։