Գեղեցիկ ծերանալու 10 դաս. 50-ին մոտ ֆրանսուհիների գաղտնիքները

Ժողովուրդն ասում է. «Գեղեցկությունը երիտասարդության ժամանակ բնության ձեռքի գործն է: Իսկ գեղեցկությունը ծերության ժամանակ` հենց կնոջ ձեռքի գործն է»:

Հենց այս պահին, երբ ծերությունը դեռևս միայն Ձեր ապագան է, Դուք կարող եք անել հնարավոր ամեն ինչ, որպեսզի մի օր մտնեք այդ վիճակի մեջ` հպարտորեն բարձր պահած գլխով:

Ամերիկուհի լրագրող Ռեբեկա Պլանտիերը գրել է «Գեղեցիկ ծերանալու դասեր. ֆրանսիացի կանանց գաղտնիքը» գիրքը, որտեղ հակադրում է ֆրանսիական հասարակությանը` ամերիկյանին: «Ամերիկուհիները 40 տարեկանից հետո ձեռք են թափ տալիս իրենք իրենց վրա և «թաքնվում են» ստվերում,- գրում է Ռեբեկան,- և դրանով նրանք զարմանալիորեն տարբերվում են ֆրանսուհիներից, որոնք շարունակում են լիարժեք ապրել և 50, և 60 և 70 տարեկանում:

«Երբ ես նոր էի տեղափոխվել բնակվելու Ֆրանսիայում, ինձ ապշեցրեց փողոցում, սրճարանում, ցուցահանդեսում, թանկ խանութում հանդիպող 50-ին մոտ գեղեցիկ և էլեգանտ կանանց քանակը: Այս կանայք հանգիստ կրում են ծնկից բարձր կիսաշրջազգեստ, նրակք հոյակապ տեսք ունեն, եթե նույնիսկ կալիֆոռնիական ստանդարտներով նրանց մակիաժն իդեալական չէ, նրանք չեն վախենում ծերանալուց և հարմարավետ են զգում իրենց տարիքում»:

Զբաղվելով այս ֆենոմենի ուսումնասիրությամբ, ամերիկուհին հանգեց այն եզրակացության, որ «վեհանձն ծերացումը» հանդիսանում է ֆրանսիացիներին հատուկ, կյանքին և իրենց միանգամայն այլ ձևով վերաբերվելու հետևանք:

Savoir vivre – «գեղեցիկ» ապրելու ընդունակությունը» ոչ մի ընդհանուր բան չունի փողի և ստատուսի հետ, դա կյանքը հաճույքներով լցնելու ընդունակությունն է, ինչն էլ, վերջին հաշվով, երկարացնում է «կնոջ» դարը:

Ակտիվ կենսակերպը մնում է ակտիվ` մինչև զառամյալ տարիք

«Ֆրանսիայում ակտիվ հանգիստը ազգային մշակույթի մի մասն է, և ընդունված չէ տարիքի հետ դրանից հրաժարվել: Ֆրանսիացիները գնում են արշավի, պաշտում են թիավարությունը, խաղում են թենիս, վազում են զբոսայգիներում, դահուկ են քշում, և այլն: Սա հենց կենսակերպ է, այլ ոչ թե՝ սպորտով զբաղվել: Ընդ որում, ֆրանսուհիներն իրենց չեն ծանրաբեռնում լուրջ սպորտով` ի տարբերություն ամերիկուհիների: Յուրաքանչյուր բռնություն ինքն իր վրա վնասակար է ինքնազգացողության համար» ,- նշում է Ռեբեկան: 

Հումորի զգացումը` որպես հզոր հակաօքսիդանտ

Հայտնի ֆրանսիական սարկազմն օգնում է ֆրանսուհիներին չընդունել տարիքը և ծերությունը՝ որպես ողբերգություն:

Կերակուրը` ինչպես կրոն

«Բոլորին հայտնի է, որ ֆրանսիացիները տարված են կերակուրով, բայց, ի տարբերություն ամերիկուհիների, նրանց մոտ այդ տարվածությունը վերածվում է գեղեցիկ և նրբաճաշակ արարողության, այլ ոչ թե՝ շատ ուտելու: Ֆրանսուհիներն ընդհանրապես շատ քիչ են ուտում»,- նախանձով գրում է Ռեբեկան: Իսկ տարիքի հետ, երբ ֆինանսական հնարավորությունները թույլ են տալիս, ֆրանսուհիները հաճախ սնվում են ռեստորանում և սրճարանում` հաճույք ստանալով փոքրիկ չափաբաժիններից, գինուց և լավ ընկերակցությունից: Դրա համար էլ, 20 և 40 տարեկան ֆրանսուհիների միջև չկա ծայրահեղ տարբերություն, ինչպես ամերիկուհիների:

Տարիքի հետ ֆրանսուհիներն իրենց ավելի շատ բան են թույլ տալիս

«Այնպիսի զգացողություն է, որ առողջ էգոիզմը ֆրանսուհիները ստանում են մոր կաթի հետ: Տարիքի հետ, երբ երեխաները մեծանում են և ավելի քիչ ուշադրություն են պահանջում, ֆրանսուհիները հանգիստ սկսում են զբաղվել իրենցով: Ավելի շատ փող են ծախսում իրենց հաճույքների վրա, գնում են ավելի թանկ զգեստներ: 40 տարեկան ֆրանսուհին ճիշտ կհամարի իր համար թանկ կոշիկներ ձեռք բերելը, այլ ոչ թե անչափահաս որդուն ինչ-որ բան գնելը: Եվ դա կլինի ամենաճիշտ որոշումը. «Ինչ-որ բան ես ուզում, գնա և աշխատիր»,- գրում է Ռեբեկան: 

Տարիքի հետ զգեստները պահարանում ավելի քիչ են, բայց դրանք շատ ավելի թանկ են

Եվ շատ ավելի որակյալ: Նույնիսկ միջին եկամուտ ունեցող կանայք գնում են թանկ և հարմարավետ բաներ:

Տարիքը հիվանդություն չէ և բուժում չի պահանջում

Ի տարբերություն ամերիկուհիների, որոնք խանգարված են երիտասարդությունը պահպանելու վրա, ֆրանսուհիները գտնում են, որ որոշակի տարիքում կնճիռների բացակայությունը կանանց մոտ ավելի շուտ հոգեկան պրոբելների առկայության նշան է, այլ ոչ թե՝ նախանձի առիթ:

Տարիքի հետ սոցիալական կյանքը չի ավարտվում, այլ` հակառակը

Ի տարբերություն ամերիկուհիների, որոնք հաճախ գերադասում են հեռուստացույցը և տնային հանգիստը` սոցիալական կյանքից, ֆրանսուհիները, հատկապես՝ մեծ քաղաքներում, դառնում են ավելի ակտիվ:

Յուրաքանչյուր տարիքում կարելի է կրել այն, ինչը քեզ սազում է

Ֆրանսուհիները հանգիստ կրում են ծնկից բարձր կիսաշրջազգեստներ: Ֆրանսիայում չկա «Հագուստն այդ տարիքին սազական չէ» կոնցեպտը: Շատ հաճախ, մայր և դուստր կարող են գնել նույն զգեստը: 

Չկա տարիքային սահմանափակում սեքսուալության և սեռական կյանքի համար

Ընդհակառակը, Ֆրանսիայում ընդունված է համարել, որ 40-ից հետո գալիս է 2-րդ երիտասարդությունը: «Դա և լավ է, և վատ է: Լավ է, որովհետև ազդում է կանանց ինքնազգացողության վրա, վատ է, որովհետև այդ տարիքում է ամուսնալուծությունների պիկը»,- գրում է Ռեբեկան:

Տարիքի հետ կարելի է ամեն ինչ, բայց չափավոր

«Գինի, ուշ ճաշկերույթներ և նույնիսկ՝ ծխախոտ»,- Ռեբեկան նկարագրում է իր 52-ամյա ֆրանսուհի ընկերուհուն, ով ծխում է օրական 1 սիգարետ՝ սուրճի հետ, նախաճաշից հետո: Այդ ընկերուհին ծխել է երկար տարիներ, բայց հրաժարվել է դրանից, սակայն գտել է, որ սիգարետից և սուրճից ստացած հաճույքն ավելի օգուտ է, քան լրիվ հրաժարումից ստացած սթրեսը:

Ընդհանուր առմամբ, եզրակացնում է ամերիկուհին, ամենագլխավորը հարգանքն է իր և իր տարիքի նկատմամբ: Իսկ գլխավոր դասը ֆրանսուհիներից, ովքեր գեղեցիկ են ծերանում, «հաճույքով ապրել չծուլանալն է»: Այդ հասկացության մեջ մտնում է ամեն ինչ` սկսած համեղ կերակուրից և սեքսից, մինչև գեղեցիկ իրեր, սիրած հոբբի և ճանապարհորդություն:

«Ես հասուն կին եմ, ես շատ բանի եմ հասել և հաճույք եմ ստանում ինձանից, քաղաքից և այս պահից»,- սա է 50-ամյա ֆրանսուհու մանիֆեստը, ով սրճարանում վայելում է իր մի գավաթ գինին: