Բռնված չէ՝ դաշնակից է. փաստաթղթերով ամեն ինչ կարգին է, Ադրբեջանին վաճառվող զենքը «լեւի» է.«Չորրորդ իշխանություն»

«Չորրորդ իշխանություն» թերթը գրում է. «Ցույց տվեք փաստաթղթեր, ցույց տվեք տվյալներ, որ Ռուսաստանը շարունակում է զենք վաճառել Ադրբեջանին»,-պատասխանելով լրագրողների հարցերին՝ ասել է Հայաստանում Ռուսաստանի դեսպան Իվան Վոլինկինը:

«ՉԻ» - Այստեղ երկու տարբերակ կա: Կամ դեսպան Վոլինկինը «սխալ է հանում» Ռուսաստանի փոխվարչապետ Դմիտրի Ռոգոզինին (որովհետեւ հենց նա էր հայտարարել, որ Ռուսաստանը շարունակում է սահմանված ժամանակացույցով սպառազինություն վաճառել Ադրբեջանին), կամ էլ Ռուսաստանն այդ զենքը վաճառում է առանց փաստաթղթերի, այսինքն՝ «լեւի», դրա համար էլ դեսպանը վստահ է, որ լրագրողները չեն կարող փաստաթղթեր ցույց տալ: Եվ նա միանգամայն իրավացի է, ռուսները հազիվ թե զենքի հաշիվ-ապրանքագրերից մեկական օրինակ էլ հայ լրագրողներին ուղարկեն:

Մի խոսքով՝ ինչպես Սերժ Սարգսյանը կասեր՝ հայ-ռուսական հարաբերություններում «փաստաթղթերով» ամեն ինչ կարգին է: Եվ հայ զինվորները կարող են հանգիստ լինել՝ իրենց դիրքերի ուղղությամբ արձակվող արկերն ապօրինի են: Համենայնդեպս՝ հաշիվ-ապրանքագրեր չունեն: Համաձայնվեք՝ շատ լուրջ մխիթարություն է»:

Առավել մանրամասն՝ թերթի այսօրվա համարում