Դատարկ դահլիճ, կրկնվող դեմքեր, ջուրծեծոցի
ԲԼՈԳԱրմեն Հովասափյանը ֆեյսբուքյան իր էջում գրում է.
Դատարկ դահլիճ, կրկնվող դեմքեր, ջուրծեծոցի…
Այսօր խորհրդարանում մեկնարկեց հերթական աշխատանքային շաբաթը: Գործադիրի նախաձեռնությամբ օրենսդիրը հրավիրել է արտահերթ նիստ:
Այս անգամ ևս մեր պառլամենտն առանձնանում է իր օրիգինալությամբ… Անկախ այն հանգամանքից, թե ինչ հարց է քննարկվում, բոլորը խոսում են ամեն ինչից, բացի բուն խնդրից: Հարցերի քննարկումներին մասնակցում են միևնույն պատգամավորները, քննարկումները, անկախ հարցի հրատապությունից ու կարևորությունից, անցնում են բառացիորեն դատարկ դահլիճում, և այս ամենն արդեն բնական է թվում: Բոլորը քննադատական ելույթներ են ունենում ու վերջում հավելում, որ ունեն դրական դիրքորոշում՝ թողնելով բազմաթիվ ենթատեքստեր:
Կարող ենք ասել, որ սա ինչ-որ տեղ կանխատեսելի գործընթաց է. շուտով կմեկնարկի նախընտրական «սեզոնը», այս ճառերն ու ճամարտակությունները հարիր են գործընթացի ոգուն ու տառին…
Այն, որ ԱԺ-ն քաղաքական ամբիոն է՝ հասկանալի է, սակայն ջուր ծեծելն ու քննարկումների ժամանակ բուն հարցը թողած այլ թեմաներով խոսելը, համաձայնեք, այդքան էլ ականջահաճո և, մեղմ ասած, հետաքրքրի չէ….
Մեզ հարկավոր է պրոֆեսիոնալ ու ադեկվատ պառլամենտ: