Հարազատ երեխաներին մասնատած հայրը մանկապարտեզում ասել է, որ երեխաներին գյուղ է տանում

Նիժնի Նովգորոդում հարազատ երեխաներին մասնատած հայրը մանկապարտեզի տնօրինությանը հայտնել էր, թե երեխաների հետ արձակուրդ է գնում։ Մինչ այդ, նա վերցրել էր երեխաների բոլոր իրերը։

Մանկապարտեզի տնօրինությունից հայտնել են, որ իրենց մանկապարտեզը հունիսի 30-ից վերանորոգվում էր։ Այդ ընթացքում երեխաներին տեղափոխել էին նախ մեկ, ապա՝ մեկ ուրիշ մանկապարտեզ։ 

«Երկուշաբթի (օգոստոսի 3-ին), երբ մենք նորից բացեցինք դռները, երեխաները չեկան։ Ես զանգեցի այն մանկապարտեզ, ուր նրանք հաճախում էին։ Ինձ հայտնեցին, որ վերջին անգամ երեխաները եկել են հուլիսի 24-ին, իսկ 27-ին եկել է հայրը, արկղից վերցրել է իրերը, հրաժարվել է սննդից եւ ասել է, որ իրենք գնում են գյուղ՝ արձակուրդն այնտեղ անցկացնելու», - պատմել են LifeNews-ին։ 

Ահազանգը հնչեցրել է տատիկը՝ Վալենտինա Իվանովնան՝ Յուլիայի մայրը։ Այդ կինը չի կարողացել զանգել դստերը։ Դրանից հետո զանգահարել է մանկապարտեզի տնօրինուհուն եւ հարցրել է, թե արդյոք երեխաները եկե՞լ են մանկապարտեզ։ Տնօրինուհուն ի պատասխան նա բացատրել է, որ իրենք գյուղ չունեն։ Դրանից հետո հաստատության աշխատակիցները ոստիկանությանը հայտնել են երեխաների անհետացման մասին։ 

Սպանվածների մարմինները հայտնաբերել են օգոստոսի 4-ին մոսկովյան ժամանակով ժամը 12-ին Նիժնի Նովգորոդ քաղաքի մի բնակարանում։ Նախնական տվյալների համաձայն, մասնատված մարմինները կարող են պատկանել վեց երեխայի եւ մի կնոջ։ Ինչպես հայտնի է դարձել, նրանց անդամատված մարմինները հայտնաբերել են վեց պոլիէթիլենային փաթեթներում։

ՌԴ-ի Քննչական կոմիտեի աշխատակիցները քրեական գործ են հարուցել երեխաների սպանության փաստով։ 2015-ի հուլիսի 25-ից երեխաները դադարել են այցելել նախադպրոցական հաստատություն, ինչի մասին աշխատակիցներն այսօր հայտնել են օրինապահ մարմիններին։

Ընտանիքի բնակության վայրի ստուգման ժամանակ պարզվել է, որ բնակարանի մուտքի դուռը ոչ ոք չի բացել։ Հարեւանները պարզաբանել են, որ նախօրեին տեսել են ընտանիքի հորը, որը հեռացել է անհայտ ուղղությամբ։

2015-ի օգոստոսի 4-ին Ռուսաստանի Քննչական կոմիտեի շրջանային բաժանմունքի աշխատակիցները պատուհանից մտել են բնակարան եւ հայտնաբերել երեխաների մասնատված մարմինները։

Նախնական տեղեկությունների համաձայն, վեց երեխայի ինչպես նաեւ կնոջ սպանության մեջ կասկածվում է նրանց հայրն ու ամուսինը՝ 1963-ին ծնված Օլեգ Բ,-ն։ Նա ծնունդով Վլադիմիրյան շրջանից է։ Հետագայում տեղեկություններ են հայտնվել այն մասին, որ Օլեգ Բ․-ն Յոթերորդ օրվա գալստյան քրիստոնեական եկեղեցու համայնք կրոնական կազմակերպության անդամ էր: