Միջողային ճողվածքի(грыжа) ախտանշանները Tert.am Health

Շատ մարդիկ տառապում են միջողային ճողվածքից։ Այն պատճառում է անտանելի ցավ ու թույլ չի տալիս նորմալ ռեժիմով շարժվել: Այդ պատճառով, շատ կարևոր է իմանալ այդ հիվանդության ախտանշանները, որպեսզի կարողանաք ժամանակին դիմել բժշկի ու սկսել բուժումը:

Մարդու ողնաշարը բավականին բարդ անատոմիական համակարգ է, որը բաղկացած է ոսկորներից, մկաններից ու  ջլերից: Երբ նրանցից որևէ մեկը խախտվում է,  մարդու մոտ առաջանում է դիսկոնֆորտ ու այդ շրջանում ցավային զգացողություն:

Ինչպես բացահայտել միջողային ճողվածքը

1. Ճողվածքի դրսևորումը

Փորձենք հասկանալ, թե իրենից ինչ է ներկայացնում միջողային սկավառակը և ինչու է նրանց բորբոքումը հանգեցնում բավականին լուրջ խանգարումների:  Մարդու  ողնաշարը այնպես է կազմված, որ յուրաքանչյուր ողի մեջտեղում տեղակայված են  մի քանի հատ ճկուն սկավառակներ, որոնք թույլ են տալիս ողնաշարին պահպանել առոջությունն ու հարմարվել մարդու շարժումներին: Յուրաքանչյուր սկավառակ հանդիսանում է  շարժվող կապ, որը կազմված է ամուր ջլային թաղանթից ու ներքին դոնդողանման միջուկից: Սկավառակի վնասման կամ քայքայման դեպքում, սպիտակ հեղուկը դուրս է գալիս, իսկ նյարդային վերջավորությունները սեղմվում են ողերի կողմից: Այդ ամենը առաջացնում է ուժեղ ցավ ու թույլ չի տալիս մարդուն նորմալ շարժվել:

2. Ճողվածքի զարգացման պատճառները

Հիմնականում միջողային ճողվածքն անհանգստացնում է  հասուն տարիքի մարդկանց:

Ժամանակի ընթացքում ողնաշարային սյունը  դառնում է քիչ շարժուն, իսկ սկավառակները քայքայվում են բնական ճանապարհով: Բացի դա, կռճիկային կապերը կորցնում են իրենց սկզբնական ճկունությունը, քանի որ տարիքի ընթացքում  ջրազրկվում են ու դառնում են ավելի կոպիտ:

Շատ կարևոր է իմանալ ճողվածքի ախտանշանները, որոնք թույլ կտան հետևել ողնաշարի առողջությանը:

3. Տարածված ախտանշանները

o Նախ հարկավոր է  իմանալ, որ ցավի տարածման շրջանը  մատնանշում է ճողվածքի առաջացման վայրը: Դա շատ կարևոր գործոնն է:

o Եթե տհաճ զգացողությունները (ծակծկոց, ծանրություն ու թմրություն ) առաջանում են ոտքերում, ապա դա կարող է վկայել այն մասին, որ ճողվածքը  գտնվում է գոտկատեղի շրջանում: Մեջքի միջին հատվածում դիսկոնֆորտի զգացողությունը կարող է վկայել կրծքային մասի միջողային սկավառակների վնասման մասին: Իսկ եթե ցավը տարածվում է պարանոցի ու ուսերի ուղղությամբ, ապա դա կարող է վկայել պարանոցային հատվածի ճողվածքի առաջացման մասին:

o Պարանոցային շրջանի միջողային ճողվածքի հիմնական ախտանշաններն են՝ ցավեր պարանոցում ու անշարժություն, գլուխը  ուսերին իջեցնելու դեպքում  ցնցումներ, գլխապտույտ ու ուշագնացություն: Բացի դա, կարող են նկատվել քնի ժամանակ ձեռքերի թմրում, դժվարություն ծանրություն բարձարացնելու դեպքում և թուլություն:

o Գոտկատեղի շրջանի միջողային ճողվածքի ախտանշաններն են՝ մեջքի ներքևի շրջանում ցավային զգացողություններ, այդ հատվածում այրում ու ջերմության բարձրացում(հատկապես կանգնած ժամանակ):  Մեջքի  անշարժությունը ուղեկցվում է ոտքերի դողով, ճառագայթվող  ցավով ու բորբոքումով: Հնարավոր է նաև առաջանան ոտքիի ցավեր, թուլություն, սարսուռ և որոշ դեպքերում անգամ մեզի անզսպության հետ կապված խնդիրներ: Իհարկե դա տեղի է ունեում ավելի լուրջ խանգարումների դեպքում, սակայն առաջին իսկ ախտանշանների առաջացման դեպքում հարկավոր  է խորհրդակցել բժշկի հետ:

o Ճողվածքի առաջացման ժամանակ բժիշկները ախտորոշում են ճառագայթվող ցավ: Իսկ ինչ է  դա. այդ դեպքում ցավային զգացողությունները կարող են առաջանալ  մարմնի այլ մասում և ոչ թե այնտեղ, որտեղ գտնվում է ցավի աղբյուրը: Դրա վառ օրինակն է ոտքերում տհաճ զգացողությունները, որոնք կապված են միջողային ճողվածքի առկայության հետ: Նման խնդիրներ առաջանում են 1-ին հերթին ողնաշարի խանգարումներով տառապող մարդկանց մոտ: Կարող  են նկատվել նստատեղի և ազդրերի ներքին մակերեսի այրոց ու ցավ:

4. Բժշկական օգնություն

Միջողային ճողվածքի հետևանքով առաջացող ցավային զգացողությունենրը թույլ չեն տալիս մարդուն լիարժեք ապրել: Հիվանդի մոտ առաջանում են դժվարություններ քայլելու ընթացքում, աշխատելիս, ծանրություն բարձրացնելիս: Կարող են նկատվել նաև քնի խանգարումներ և  դիսկոնֆորտ նստած վիճակում:  Եթե նման ախտանշանները  բարդացնում են ձեր կյանքը և  չեն անցնում մի քանի շաբաթվա ընթացքում, ապա հարկավոր է  դիմել բժշկի և գտնել պատճառը:

Հարկավոր է անմիջապես բժշկի դիմել  մեզի ու կղանքի անզսպության հետ կապված խնդիրների առաջացման դեպքում: Դա վկայում է այն մասին, որ ճողվածքի զարգացումը խախտում է մյուս օրգան համակարգերի աշխատանքը, այդ թվում միզուղիների ու աղիների մկանային համակարգի:

Ճողվածքի բուժումը կատարվում է վիրահատական ճանապարհով, սակայն 1-ին ախտանշանների դեպքում բուժումը իրականացվում է առանց վիրահատական միջամտության, որից հետո հիվանդը վերադառնում է նորմալ կյանքի: Այդ պատճառով մի անտեսեք ձեր առողջությունը և 1-ին իսկ ախտանշանների հայտնվելու դեպքում դիմեք բժշկի: