Ռուսաստանում նավթի արդյունահանումը տարվա արդյունքում կարող է գերազանցել 540 մլն տ-ն

Ռուսաստանի Էներգետիկայի նախարարությունը պահպանում է երկրում  2016-ին նավթի արդյունահանումը 540 մլն տոննայից ավելիի մակարդակի վերաբերյալ կանխատեսումները: Այդ մասին «ՌԻԱ Նովոստիին» հայտնել է ՌԴ էներգետիկայի նախարար Ալեքսանդր Նովակը: 

«Մենք անցյալ տարվա համեմատ աճ ունենք. 2,6 տոկոս, եթե վերցնենք հունվար-ապրիլը, մոտ 4,5 մլն տ-ի աճ կա: Տնտեսական զարգացման նախարարության կանխատեսումը  538 մլն տ է, բայց կարող է եւ ավելին լինել: Ես կարծում եմ, որ  մոտ 540 տ կլինի, գուցե մի քիչ ավելի», — ասել է նախարարը:

Ռուսաստանի սոցիալ-տնտեսական զարգացման կանխատեսման համաձայն, երկրում նավթի արդյունահանումն ընթացիկ տարվա արդյունքում պիտի աճի   0,9 տոկոսով, մինչեւ  538 մլն տ:

Մինչ այդ, Էներգետիկայի նախարարության ներկայացուցիչները 2016-ին արդյունահանման աճ էին կանխատեսել  մինչեւ 540–547 մլն տ: