191 միլիարդ դրամի գյուղմթերք Գեղարքունիքի մարզում
ԲԼՈԳՆարեկ Սարգսյանը ֆեյսբուքյան իր էջում գրում է.
Գեղարքունիքն առաջընթաց է ունեցել բուսաբուծության և անասնապահության ճյուղերում: Այդ մասին վկայում է այն փաստը, որ 2015 թվականին ՀՀ-ում արտադրված ավելի քան 1 տրիլիոն դրամի գյուղատնտեսական համախառն արտադրանքի շուրջ 19 տոկոսը կամ մոտ 191 միլիարդ դրամը բաժին է ընկնում այդ մարզին:
Մեկ այլ ցուցանիշ ևս խոսում է այդ մասին: Օրինակ, երբ հանրապետությունում մշակվող վարելահողերի միջին ցուցանիշը կազմում է 83 տոկոս, Գեղարքունիքում այն այս տարի հասնելու է 96 տոկոսի, ինչը բարձր ու գոհացնող ցուցանիշ է: Սա արդյունք է այն բանի, որ մարզի 39 համայնքներում արդեն ներդրվել է պետության կողմից իրականացվող «Համայնքների գյուղատնտեսական ռեսուրսների կառավարման և մրցունակության ծրագիրը», ինչի արդյունքում Գեղարքունիքի մարզին հատկացվել է 376 միավոր գյուղտեխնիկա, որից 77-ը՝ տրակտորներ:
Այս տարի ևս շարունակվելու են իրականացվող ծրագրերը: Գեղարքունիքում այս տարի նախատեսվում է ցանել 150 հեկտար հնդկաձավար, որից 100 հեկտարը՝
Ծովագյուղում: Ծովագյուղի գյուղապետը հավաստեց, որ այդ նպատակով նախորդ տարվա աշնանը գյուղում 100 հեկտար ցրտացել է կատարվել, իսկ հնդկաձավարի ցանքը կկատարվի այս տարվա մայիսի 25-ին: Իսկ փաթեթավորման արտադրամասի համար շինությունը հատկացված է, մինչ բերքահավաքը կկատարվի հիմնանորոգումը, իսկ լավ բերքի երաշխիքի դեպքում կտեղադրվեն նոր սարքավորումները: