Ինչպես ընտրել լողազգեստ ըստ մարմնի կառուցվածքի

InchUzem.am- ը  գրում է.

Ամառն արդեն եկել է, կարելի է հանվել ու վազել լողափ: Սակայն մինչև լողազգեստ գնելը կարդացեք մեր խորհուրդները:

Առաջին բանը, որ պետք է անել, դա Ձեր մարմնի կառուցվածքի տիպը որոշելն է ըստ մեր սխեմայի: Իսկ հետո կարող եք ծանոթանալ Ձեր մարմնի համար նախատեսված լողազգեստների հիմնական հատկանիշներին: Համապատասխան լողազգեստը Ձեր մարմինն ավելի սլացիկ ու սեքսուալ կդարձնի:

Նայեք այս նկարին և պարզեք՝ որն է Ձեր մարմնի կառուցվածքը՝

Խնձոր

Իդեալական. ռետրո ոճ. լայն ու բարձր կիսավարտիք, լայն ուսակապերով կրծկալ:

Կարելի է. Իրանի թերությունները կարելի է ծածկել միագույն լողազգեստը՝ առանց որովայնի շրջանի նախշերով: Գույները մուգ և տաք: Լողազգեստի դետալները միայն ուղղահայաց:

Չի կարելի. Բարակ թելերով լողազգեստ: Գծավոր նախշեր՝ ոչ հորիզոնական և ոչ էլ ուղղահայաց: Ոչ մի ծաղկավոր կամ սովորական նախշ որովայնի շրջանում, չեն կարելի բաց ու վառ գույները:

Տանձ

Իդեալական. Բարակ ուսակապերով կրծկալ: Ուսակապերի իրարից հեռու՝ դա կլայնացնի ուսերը: Կարճ կիսավարտիք՝ մուգ և միագույն:

Կարելի է. Կրծկալը կարող է վառ գունավորում ունենալ, պատված լինել նախշերով, դա ուշադրություն կգրավի:

Չի կարելի. Կիպ եռանկյուն-բիկինիներ, կրծկալի կապերը պարանոցին, կիսավարտիքներ բանտերով և զարդարանքներով:

Ավազե ժամացույց

Իդեալական. Լողազգեստ հորիզոնական գծերով, բանտիկներ կիսավարտիքի վրա, ինչպես նաև կտրվածնքեր՝ դա մարմինն ավելի գեղեցիկ է դարձնում:

Կարելի է. Այս մարմնի համար հարմար են գրեթե բոլոր լողազգեստները՝ անգամ սպորտային: Իրանի գեղեցկությունն ավելի կընդգծեն կրծկալի և կիսավարտիքի զարդարանքները:

Չի կարելի. Այս տիպի համար սահմանափակումներ չկան:

Ուղղանկյուն

Իդեալական. Որովայնի շրջանում նախշեր կամ դեկորատիվ զարդարանքներով լողազգեստներ:

Կարելի է. Ամեն կանացի բան՝ նախշ, բանտիկներ, ծաղիկներ և այլն: Լավ կլինի լողազգեստն ընտրել փափուկ գործվածքից: Նախշերը ցանկալի է երկրաչափական չլիննեն, այլ լինեն նուրբ՝ օրինակ ծաղիկներ:

Չի կարելի. Սպորտային լողազգեստներ. սրանք կազմվածքը տղամարդկային կդարձնեն: Ուղղահայաց կամ հորիզոնական գծերը նույնպես ավելորդ են:

Եռանկյուն

Իդեալական. Միատոն կրծկալ՝ կապերը պարանոցին և V կտրվածքով: Վարտիքներ՝ փոքր շրջազգեստով:

Կարելի է. Այս կառուցվածքը Տանձ կառուցվածքի հակառակն է. այսինքն լայն ուսեր են՝ այդ պատճառով պետք է ուշադրությունը շեղել ուսերից: Այդ պատճառով կրծկալը պետք է մուգ ու միագույն լինի: Իսկ կիսավարտիքը պետք է ծածկված լինի բանտիկներով, վառ գուներով:

Չի կարելի. Մի հագեք միագույն կիսավարտիք և գծավոր կրծկալ: