«Մարքեթինգ 0 բյուջեով». «SARAJYAN TRAININGS» ընկերության հիմնադիրը՝ ապագա ծրագրերի և համաշխարհային ճանաչում ունեցող մասնագետների հետ համագործակցության մասին

ԼՈՒՐԵՐ.com-ի զրուցակիցն է «SARAJYAN TRAININGS» ընկերության հիմնադիր Լուսինե Վարդանյանը:

–Ե՞րբ է հիմնադրվել «SARAJYAN TRAININGS» ընկերությունը և ո՞րն է եղել գլխավոր նպատակը: Արդյո՞ք համագործակցում եք միջազգային ճանաչում ունեցող կազմակերպությունների և մասնագետների հետ։

–«SARAJYAN TRAININGS» ընկերությունը հիմնադրվել է 2015 թվականին և առաջնորդվում է«Մաքսիմալ էֆեկտիվ թրեյնինգներ» կարգախոսով: Մեր գլխավոր նպատակն է՝ նոր շունչ հաղորդել ՀՀ բիզնես միջավայրին՝ կազմակերպելով բարձրակարգ բիզնես թրեյնինգներ և սեմինարներ, որոնք վարում են միջազգային ճանաչում ունեցող լավագույն մասնագետները։ Մենք համագործակցում ենք ՌԴ–ում N1 մարքեթոլոգ Իգոր Մաննի, լիդերության և հռետորության լավագույն մասնագետՌադիսլավ Գանդապասի, ոսկերչության ոլորտի N1 մասնագետ՝ Արթուր Սալյակաևի և այլ առաջատարների հետ։

–Ի՞նչ նոր ծրագրեր կլինեն ապագայում։

-Արդեն ունենք պայմանավորվածություն Ռադիսլավ Գանդապասի մենեջերի հետ։ Մնում է՝ որոշենք օրը և սեմինարի թեման: Դրանք հնարավոր է ներկայացվեն արդեն Մաննի սեմինարի ժամանակ:

Մենք աշխատում ենք ռուսական առաջատար «Սիներգիա» բիզնեսի դպրոցի հետ։ Շուտով նրանց հետ բացառիկ ներկայացուցչության պայմանագիր կկնքենք։ Դպրոցն ունի բացառիկ պայմանագրեր այնպիսի համաշխարհային հեղինակություն վայելող փորձագետների հետ, ինչպիսիք են Բրայան Թրեյսին, Ալան Պիզը, Իցխակ Ադիզեսը, Ջոն Շոուլը, որոնց առցանց դասընթացները ՀՀ-ում իրավունք ունի ներկայացնել միայն «SARAJYAN TRAININGS»-ը: Ամենահետաքրքիր պրոդուկտները նրանց մեծամասշտաբ ֆորումներն են՝ «SYNERGY INSIGHT FORUM»–ը և «SYNERGY GLOBAL FORUM»–ը, որոնք տեղի են ունենում տարին մեկ անգամ: «SYNERGY GLOBAL FORUM»-ը ՌԴ և նախկին ԽՍՀՄ երկրների համար բացառիկ հարթակ է, որի ժամանակ ելույթ են ունենում տարբեր ոլորտների առաջատար մասնագետներ ամբողջ աշխարհից: Այս տարի այն տեղի կունենա նոյեմբերին՝ Մոսկվայում, որին արդեն գրանցվել է 7100 գործարար, իսկ խոսնակները նախնական տվյալներով կլինեն Դալայ Լաման, Գայ Կավասակին, Բոդո Շեֆերը, Դևիդ Ալենը, Լեոնիդ Պարֆյոնովը և ուրիշներ։ Մի խոսքով՝ իրոք «թեժ» է լինելու. աննկարագրելի զգացողություններով, մոտիվացիայով և տպավորություններով լի մի ֆորում։ Այս ֆորումին անպայման կմեկնենք պատվիրակությունով, որի կազմում կարող է ընդգրկվել յուրաքանչյուր ոք, ինչի համար կարող են արդեն դիմել մեզ:

 

-Առաջիկայում ի՞նչ միջոցառում եք նախատեսում կազմակերպել Հայաստանում։

–Հունիսի 2-ին Երևանում տեղի կունենա ՌԴ N1 մարքեթոլոգ Իգոր Մաննի սեմինարը: Նա խոսելու է 0 բյուջեով մարքեթինգի 80 գործիքների մասին: Ինչո՞ւ ՌԴ և ոչ թե Եվրոպա կամ ԱՄՆ։ ՌԴ-ն մոտ է մեզ մտածելակերպով: Ռուսաստանում աշխատող գործիքները հաջողությամբ կարելի է ներդնել մեզ մոտ։Ինչո՞ւ Իգոր Մանն։ Նա կարողանում է ապահովել առավելագույն արդյունք շատ հասկանալի և պարզ գործիքներով, ինչն արդեն իսկ խոսում է իր պրոֆեսիոնալիզմի մասին: Իգոր Մաննի սեմինարներին մասնակցել ենք, նրա հետ երկար շփվել ենք, մինչև նրա օգտին ընտրություն կատարելը։

–Ինչո՞ւ «Մարքեթինգ 0 բյուջեով»։

–Այսօր բոլոր կազմակերպություններն անխտիր ունեն մարքեթինգային բյուջեն կրճատելու խնդիր:Սակայն, բյուջեի կրճատմանը զուգահեռ նվազում են վաճառքները, նվազում է նաև շահույթը: Ի. Մանն առաջարկում է գործիքներ, որոնք գումար չեն պահանջում, բայց տալիս են զգալի արդյունք: Ասեմ ավելին։ Նա կներկայացնի, թե որ գործիքը որ շուկայի համար է ավելի կիրառելի՝ մեծ, թե փոքր բիզնեսի համար, ծառայությունների, թե ապրանքի շուկայի համար, որ ոլորտի համար, ինչպես կյանքի կոչել, ով պետք է կատարի առաջադրանքը, ով պետք է վերահսկի, ինչքան կտևի այդ գործընթացը, ինչպիսի տոկոսային աճ սպասել տվյալ գործիքից: Նշեմ նաև, որ նա երաշխավորում է յուրաքանչյուր գործիքի կիրառումից ամենաքիչը 0,5% վաճառքի աճ: Հաշվեք և տեսեք՝ ինչքան ժամանակում կփոխհատուցվի Ձեր ներդրումը: Իսկ եթե օգտագործեք մի քանի գործիք զուգահեռաբա՞ր։ Հիշենք նաև, որ ամեն գործիք մեկանգամյա չէ, այն կարելի է պարբերաբար կիրառել:

Դուք ունեք 2 տարբերակ՝ մասնակցել և գրանցել աճ կամ չմասնակցել ու հետևել, թե ինչպես են Ձեր մրցակիցները գրանցում աճ:

–Մատչելի՞ է արդյոք մասնակցությունը։

–Շատերը կարծում են, որ թանկ է: Բայց եթե համեմատեք մասնակցության արժեքը Ձեր ամսական մարքեթինգային բյուջեի հետ, կտեսնեք, որ սա ամենաարդյունավետ ներդրումն է Ձեր ընկերությունում։

Եթե ավելի մանրամասն հաշվարկենք, ապա 100 000 դրամը եկեք բաժանենք 80-ի (գործիքներ)։ Ստանում ենք 1 գործիքի համար 1 250 դրամ՝ յուրաքանչյուր գործիք՝ ընդամենը 1 250 դրամ: 150 000-ի դեպքում 1 գործիքը կստացվի 1 850 դրամ: Հաշվի առնենք այն, որ ամեն գործիք մինիմում 0.5% վաճառք է ավելացնում: Ընդամենը 1 250 կամ 1 850 դրամով 0.5% վաճառքի աճ: Ի՞նչ եք կարծում, թա՞նկ է։

–Ինչո՞ւ ընտրեցիք հենց այս ոլորտը։

– Ինչպես ասում է Տոնի Ռոբինսը՝ ինքդ պիտի լինես ուժեղ, որպեսզի կարողանաս կարիքավորին օգտակար լինել: Ցանկացած բիզնես պետք է ինքնանպատակ չլինի։ Այն պետք է աշխատի նաև իր պետության և հասարակության զարգացման նպատակով։ Դա է պատճառը, որ երբ որոշեցի սեփական գործ հիմնել, ընտրեցի հենց ուսուցման ոլորտը։ Քանի որ շուկային պետք է ներկայանալ լավ պրոդուկտով, սկսեցի այն որոնել: Դրա որոնման ընթացքում շատ եմ մասնակցել բիզնես-թրեյնինգների: Գտա լավագույն մասնագետներին, և սկսեցի հետևել նրանց: Եղել են սեմինարներ, որոնց շատ էի ցանկանում ներկա լինել, բայց նման գումարներ չէի կարող վճարել, քանի որյուրաքանչյուր որակյալ սեմինարի մասնակցելու համար առնվազն պետք է մեկնել արտերկիր։ Նվազագույնը 1200-ից 2000 ԱՄՆ դոլար է անհրաժեշտ, որպեսզի կարողանաս մասնակցել բարձրակարգ սեմինարի: Եվ մի օր էլ որոշեցի, որ ես ինքս կարող եմ այդ ամենը կազմակերպել: Ինչո՞ւ որոշեցի, որ այն կաշխատի ՀՀ-ում՝

1) Բոլորն էլ ցանկանում են քիչ ծախսերով ստանալ ցանկալի արդյունք։ Մասնավորապես՝ այս սեմինարի դեպքում 80 գործիքները հնարավորություն կտան և մեծ բիզնեսին և միջին ու փոքր բիզնեսին կիրառել ու ունենալ արդյունավետ լուծումներ, վաճառքի ավելացում,

2) Նման սեմինարներին և թրեյնինգներին կարելի է մասնակցել միայն ՀՀ-ից դուրս՝ ծախսելով/ներդնելով 1200–ից 5000 ԱՄՆ դոլար մեկ անձի հաշվարկով կամ կազմակերպել կորպորատիվ սեմինար՝ հրավիրելով լուրջ մասնագետի, ինչը նույնպես մեծ գումար արժե։

3) Համոզված եմ, որ պետությունը հզոր է այնքանով, ինչքանով որ զարգացած է դրա բիզնես ոլորտը:ՀՀ-ում կան գրագետ մարդիկ և գրագետ աշխատող կազմակերպություններ, որոնք սովորում են, և լուրջ գումարներ ներդնում իրենց մասնագիտական աճի համար, որը ի վերջո բերում է մրցակցային պայմանների զարգացմանը: Մրցակցությունը բերում է բիզնեսի զարգացմանը: Բիզնեսի զարգացումն էլ բերում է պետության հզորացմանը:

Ուզում եմ հատուկ շնորհակալություն հայտնել այն մարդկանց և կազմակերպություններին, ովքեր սրտացավ են, հավատում են, մեր կողքին են, և օգնում են, որոնց շարքում առանձնահատուկ տեղ է գրավում International Media Holding-ի նախագահ՝ Արման Վարդանյանը:

Քննադատելու փոխարեն օգնենք միմյանց, որպեսզի ունենանք ավելի լավ հասարակություն:Յուրաքանչյուր ոք կարող է օգնել կարիքավորի, եթե ինքն անձամբ կայացել է՝ հաղթահարելով այդ նույն կարիքները: