10 տարածված միֆեր ալկոհոլի մասին. թույլ մի՛ տվեք ձեզ մոլորեցնել

Մեր դատողություններն ու պատկերացումներն աշխարհի ու իրադարձությունների մասին ձևավորվում են մեզ շրջապատող մարդկանց կարծիքի ազդեցությամբ: Ցանկանում ենք մենք դա, թե ոչ, սակայն մարդու մեջ անհատականը քիչ է:

Այն, ինչ անում ենք կամ թե ով ենք մենք, արդյունք է շրջապատի հետ փոխհարաբերության: Օրինակ՝ մեր հասարակությունում այնքան շատ են նախապաշարումներն ու համընդհանուր կանոններն ալկոհոլի մասին, որ հարկ է հասկանալ՝ որն է իրականությունը:

Past.am-ը ձեր ուշադրությանն է ներկայացնում 10 տարածված միֆեր ալկոհոլի մասին.

1. Սուրճը սթափեցնում է Սուրճը միայն օգնում է թուլացնել հարբածության ախտանիշներից մեկը՝ քնկոտությունը:

2. Աբսենտը հարուցում է հալյուցինացիաներ Համարվում է, որ տույոնը (Thujone), որը պարունակվում է օշինդրում, կարող է հարուցել տեսողական խաբկանք, սակայն այս ժամանակակից ըմպելիքում տույոնը 25 անգամ ավելի քիչ է, քան 100 տարի առաջ: Բացի այդ՝ ժամանակակից բժշկությունը հակված է մտածել, որ տույոնում չկա հալյուցինոգեն կարողություններ:

3. Չի կարելի իջեցնել խմիչքի թնդության աստիճանը Գիտնականները պարզել են, որ կարևոր չէ՝ իջեցնում եք թնդությունը կամ ավելացնում, դա չի ազդի ձեր հետագա ինքնազգացողության վրա: Օրգանիզմի համար դժվար է հարմարվել ալկոհոլի առանձին տեսակների հետևանքին, այդ պատճառով ընտրությունը կանգնեցրեք միայն մի տեսակի ալկոհոլի վրա:

4. Բաց կամ թափանցիկ ալկոհոլը խումհար չի առաջացնում Եթե քիչ եք խմում, ապա բաց ու թափանցիկ ըմպելիքները իսկապես ավելի քիչ ազդեցություն կգործեն, սակայն եթե շատ եք խմում, ապա արդեն կարևոր չէ, թե ինչ գույնի է ալկոհոլը՝ առավոտյան, միևնույն է, վատ եք զգալու:

5. Բաց գարեջուրը ավելի թունդ է, քան մուգը Գարեջրի գույնով կարելի է որոշել դրա տեսակը, այլ ոչ թե թնդությունը:

6. Գարեջուրը նպաստում է կլորիկ փոր ունենալուն Ցանկացած ալկոհոլ պարունակում է մեծ քանակությամբ շաքար, այդ իսկ պատճառով պարզապես հարկավոր է վերահսկել օգտագործվող ալկոհոլի քանակությունը:

7. Միևնույն հասակն ունեցող տղամարդն ու կինը կարող են խմել հավասարաչափ Կանայք, միևնույն է, ավելի շուտ են հարբում: Գիտնականները դա բացատրում են օրգանիզմի մկանային-ճարպային կառուցվածքով:

8. Ալկոհոլն էներգետիկ ըմպելիքի հետ խառնելուց ավելի շատ են հարբում Իրականում այն հավելյալ առույգություն է պարգևում, ինչը հաճախ համարում են հարբածության նշան:

9. Սրտխառնոցից հետո սթափվում եք Դա ոչ մի կերպ չի կարող ազդել այն բանի վրա, թե ինչ արագությամբ է ձեր օրգանիզմը դուրս բերում արյան միջից ալկոհոլը, սակայն այն կարող է օգնել թեթևացնել ինտոքսիկացիայի հետևանքները:

10. Ալկոհոլը սպանում է գլխուղեղի բջիջները Բժիշկ Ռոբերտ Պետնեյը The New York Times-ին տված հարցազրույցում պատմել է, որ ինտոքսիկացիայի դեպքում ալկոհոլը իսկապես ի վիճակի է խախտել գլխուղեղի գործառույթը, սակայն այն ի վիճակի չէ սպանել ամբողջական բջիջներ: