Ինչի վրա են իրականում ուշադրություն դարձնում տղաներն առաջին հանդիպման ժամանակ

Նախորդ հրապարակումներոմ խոսել ենք այն մասին, թե ինչպես են աղջիկներն ու տղաները պատրաստվում առաջին հանդիպմանը և թե ինչ է տեղի ունենում սպասված պահին: Այժմ շարունակելով թեման՝ կխոսենք, թե ինչին են ամենից շատ ուշադրություն դարձնում երկու սեռի ներկայացուցիչները: Այս առիթով՝ հարցում անցկացրեցինք 30 անձանց շրջանում (15 աղջիկ 15 տղա):

Աղջիկների կողմից ամենից շատ հնչեցրած պատասխանները ներկայացնում ենք այստեղ. . Աղջիկներն առաջին հերթին ուշադրություն են դարձնում տղաների հագուստին՝դրանց նոր կամ մաշված լինելուն, քանի որ, ինչպես իրենք են ասում, դա կարող է վկայել տղայի սոցիալական վիճակի մասին: . Նրանց ուշադրության կենտրոնում են տղաների ձեռքերը (սովորաբար նախընտրելի է, որ դրանք կոշտ և մեծ լինեն), նաև ոտքերը: Որքան էլ տարօրինակ է՝ աղջիկների մեծամասնությունը գերադասում է, որ դրանք լինեն միջին մեծության՝ոչ փոքր, ոչ շատ մեծ: Նույնը վերաբերում է նաև տղաների քթին: Աղջիկները ուշադրություն են դարձնում նաև տղաների վարվելաձևին: «Ինձ համար շատ կարևոր է, թե նա ինչպես է խոսում ինձ հետ և ինչպես՝ ուրիշների հետ: Հիշում եմ՝ առաջին հանդիպմանը ուշադրություն եմ դարձրել նաև, թե ինչ հեռախոս է կրում, արդյո՞ք որևէ զարդ ունի իր վրա, կոշիկներն ու եղունգները մաքու՞ր են, թե` ոչ»,-պատմում է 22-ամյա Էլլան:

Տղաների կողմից ամենից շատ հնչած պատասխանները ներկայացնում ենք այստեղ՝ . Տղաներին գրավում է աղջկա գեղեցիկ տեսքը: Նախևառաջ նրանք ուշադրություն են դարձնում աղջկա կազմվածքին՝ հասակին, բարեմասնություններին, հագուստին և շպարին: Մեծամասնությունը չի սիրում, որ օրիորդը շատ կարճ է հագնվում հենց առաջին հանդիպման ժամանակ՝ դա դիտարկելով որպես համարձակություն:

Տղաների ուշադրության կենտրոնում են նաև աղջկա մազերը: Կարևոր չէ` երկար են, թե կարճ, պարզապես պետք է խնամված և հարդարված լինեն: Աղջիկների եղունգները ևս չեն վրիպում տղաների աչքերից: Տղաները կարևորում են նաև աղջկա քայլվածքը. այն պետք է լինի նուրբ ու կրքոտ: 19-ամյա Ռաֆիկը հիշում է ՝ առաջին հանդիպման ժամանակ առանձնակի ուշադրություն է դարձրել աղջկա շրթունքներին. «Գեղեցիկ և հաստ շրթունքներ ունեցող աղջիկներն ինձ համար շատ կանացի են: Պիտի խոստովանեմ, որ այդ օրը աչքերով մերկացրել եմ այն աղջկան, ում հետ հանդիպել եմ և ով հիմա ընկերուհիս է»,-ասում է նա:

«Օրը խորհրդանշական է երկու սեռերի ներկայացուցիչների համար: Նրանք ցանկանոմ են բավարար չափով տեղեկացված լինել միմյանցից: Փոքրիկ ուսումնասիրություն են կատարում՝ հենվելով արտաքին տվյալների վրա՝միաժամանակ ներթափանցելով նաև նրանց ներաշխարհը,-ասում է հոգեբան Անի Հովհաննիսյանն ու հավելում,- առաջին հանդումից առաջ երկու կողմն էլ տագնապ է ապրում և երբեմն պատճառը լռությունն է լինում, որ թե աղջիկները, թե տղաները սկսում են իրենց «հետազոտությունը»: