«Ես ձեզ համար օտար եվրոպացի էի, իսկ դուք ինձ համար հեռու իմ արմատները...այսօր ես պատրաստ եմ իմ անձնական շահերը մի կողմ դնել հանուն իմ ազգի և պայքարել». Իվետա Մուկուչյան

«Եվրատեսիլ 2016»-ին Հայաստանը ներկայացրած և 7-րդ հորիզոնականը զբաղեցրած Իվետա Մուկուչյանը  Facebook-ի իր էջում շնորհակալական ուղերձ է հղել, որն ամբողջությամբ ներկայացնում ենք ստորև։

«Lիարժեք քնած և հանգստացած՝ ուզում եմ ուղղակի ասել. ՍԻՐՈՒՄ ԵՄ ՁԵԶ։ Էս ինչ եք անում։ Սիրում եմ ձեզ նրա համար, որ այնքան լավն ենք, երբ պոզիտիվը կպնում է բոլորին ու միասնական ենք։ Սիրում եմ ձեզ, որովհետև ես իրավունք ունեցա իմ սիրո ալիքը բաց թողնել, ու դուք նրան ընդունեցիք և թիկունքիս կանգնեցիք մինչև վերջ։ Միասին անմոռանալի պահ ստեղծեցինք....բոլորս այս օդի մեջ կանգնած զգացողության կարիքն ունենք, ու ժամանակն է՝ մեր նոր, անկրկրնելի սերնդի համար հեղափոխություն անել։ Եվ, ասեմ ձեզ, ոչ միայն մեր նոր սերնդի համար, կարծում եմ՝ մեր մեծերն էլ թարմության կարիք ունեն, որովհետև ի վերջո այս միասնական պահերն են հիշվում մինչև կյանքի վերջ։

Ինձ համար ամենամեծ սեփական հաղթանակն այն է, որ ես 2009 թվականին վերադարձա իմ այդ ժամանակ դեռ անծանոթ հայրենիք ու հիմա, արի ու տես, առաջին քայլերից սկսված ուր հասանք միասին։ Ես ձեզ համար օտար եվրոպացի էի, իսկ դուք ինձ համար հեռու իմ արմատները...այսօր ես պատրաստ եմ իմ անձնական շահերը մի կողմ դնել հանուն իմ ազգի և պայքարել։ Շնորհակալ եմ, որ դուք իմ կրակը բոլոր քամիներից պաշտպանում եք, որպեսզի այն չհանգչի. Ուղղակի սրտանց շնորհակալ եմ......ՁԵՐ Իվետա»,-գրել է երգչուհին։