Շոկի մեջ ենք. Հրաչ Մուրադյանը եւ հաղորդման մյուս մասնակիցները՝ սպանված էքստրասենս Անիի մասին

News.am-ը գրում է.

ATV-ի հեռուստաընկերությանը ղեկավարությունը, «Վեցերորդ զգայարան» հաղորդման անձնակազմը շոկի մեջ է եւ խիստ ցավում է էքստրասենս Անի Մաջնունյանի մահվան համար:

Հաղորդման պրոդյուսեր Հրաչ Մուրադյանը NEWS.am-ի թղթակցի հետ զրույցում ասաց, որ իրենք շոկի մեջ են, դեռ ոչինչ չեն հասկանում տեղի ունեցածից, իսկ դեպքի մասին տեղեկացել են լրատվամիջոցներից, այլ մանրամասների չեն տիրապետում:

Անի Մաջնունյանը մասնակցել է «Վեցերորդ զգայարան» հաղորդման 1-ին եւ 2-րդ եթերաշրջանների հաղորդումներին, վերջին նկարահանումները, որոնց մասնակցել է սպանված էքստրասենսը, փետրվարին էին, դրանից հետո նրա հետ որպես այդպիսին շփում չի եղել, ընդամենը մի քանի անգամ հաղորդման ադմինիստրատիվ անձնակազմի հետ է շփումներ եղել: Հրաչ Մուրադյանից տեղեկացանք, որ երկրորդ եթերաշրջանից դեռ 2 հաղորդում է մնացել Անիի մասնակցությամբ, որոնք պետք է եթեր հեռարձակվեին սեպտեմբերին: 3-րդ եթերաշրջանի նկարահանումներին Անի Մաջնունյանը չի մասնակցել առողջական խնդիրների պատճառով: «Նկարահանումների ընթացքը մեզ մոտ շատ դժվար է, ֆիզիկապես չէր դիմանում, այդ պատճառով չի մասնակցել 3-րդ եթերաշրջանի հաղորդումներին: Կոնկրետ առողջական խնդիր չէր պատճառը, ինքը իրեն վատ էր զգում նկարահանման հրապարակում, թուլություն էր զգում, դա եթերում չի երեւացել»,-ասաց հաղորդման պրոդյուսերը՝ նշելով. որ 3-րդ եթերաշրջանի հաղորդումների նկարահանումները ավարտվել են հուլիսին, բայց այժմ ինքը ոչինչ չի կարող ասել՝ «Վեցերորդ զգայարան» հաղորդումը սեպտեմբերից կշարունակի եթեր  հեռարձակվել, թե ոչ:

Շարունակությունն այստեղ: