Ադրբեջանում ծանր են տանում, այն փաստը, աշխարհի գրեթե ոչ մի երկիր Հայաստանն ագրեսոր չի համարում
ԲԼՈԳՌոբերտ Մելքոնյանը ֆեյսբուքյան իր էջում գրում է.
Ադրբեջանում ահավոր ծանր են տանում, որ աշխարհի գրեթե բոլոր երկրները չեն արտաբերում, որ Հայաստանն ագրեսոր է և ագրեսիա է իրականացրել Ադրբեջանի նկատմամբ: Ադրբեջանցիները ցավով են նշում, որ Հայաստանին առայսօր ագրեսոր են համարել միայն Ադրբեջանը, իհարկե հարազատ Թուրքիան և Իրանը:
Շատ զարմացած են ու զայրացած, թե այդ ինչպես է, որ կան <<օկուպացված>> տարածքներ, բայց ագրեսոր չկա, մոռանալով, որ իր Հայրենիքում ծնված ու մեծացած արցախցին չի կարող նվաճող, ագրեսոր համարվել, և որ արցախցիները ընդամենն ազատագրել են իրենց պատմական տարածքների մի շատ նվազագույն հատվածը…
Իսկ Ադրբեջանի ԱԳՆ մամլո խոսնակ Հիքմեթ Հաջիևն անամոթաբար հայտարարում է. <<Հայաստանը հանդիսանում է լուրջ վտանգի աղբյուր տարածաշրջանի բոլոր երկրների համար>>: Եվ լկտիաբար ավելացնում. <<Շփման գոտում ապրիլի 2-ին Հայաստանի ռազմական արկածախնդրությունը մեկ անգամ ևս ապացուցում է, որ հայկական ռեժիմը լուրջ իրական վտանգի աղբյուր է ամբողջ տարածաշրջանի համար>>:
Ինչպես ասում են՝ մեկնաբանություններն ավելորդ են...
Զարմանալու բան չկա միշտ գողն առաջինն է գոռում գողացան…