Հայաստանում հիշում և ոգեկոչում են Օսմանյան Թուրքիայում Պոնտոսի հույների ցեղասպանության զոհերի հիշատակը

Հայաստանում հարգում և ոգեկոչում են Օսմանյան Կայսրությունում հույների ցեղասպանության զոհերի հիշատակը: Մայիսի 19-ին լրանում է Օսմանյան Կայսրությունում Պոնտոսի հույների ցեղասպանության 100-րդ տարելիցը: Հայաստանի հունական համայնքի ներկայացուցիչները, ՀՀ ԱԺ մի խումբ պատգամավորներ, ազատամարտիկներ, ՀՀ ոստիկանության և ԱԻՆ ներկայացուցիչներ, ծաղիկներ խոնարհեցին Հայոց ցեղասպանության զոհերի հիշատակը հավերժացնող հուշահամալիրին:

ՀՀ ԱԺ փոխնախագահ Էդուարդ Շարմազանովը լրագրողների հետ զրույցում նշեց, որ Օսմանյան, այնուհետև Քեմալական Թուրքիայում 1916-1923թթ. Հայոց ցեղասպանությանը զուգահեռ ցեղասպանվել են նաև քրիստոնյա հույները և ասորիները: «Դա երիտթուրքերի՝ Սալոնիկիհամագումարի ծրագիրն էր, որը նրանք ի կատարածեցին առաջին աշխարհամարտից առաջ և հետո:Ցեղասպանությանը զոհ են գնացել տարբերհաշվարկներով 357-550 հազար հույներ: Սացեղասպանություն է, որը 2015թ. մարտի 24-ին միաձայն ընդունեց Օսմանյան Թուրքիայում հույների ցեղասպանությունըդատապարտող հայտարարություն»,- նշեց Շարմազանովը:

Նա հավելեց, որ Թուրքիան այսօր էլ շարունակում է իր ժխտողական քաղաքականությունը: «Այսօրվա Թուրքիան շարունակում է իր հանցագործ քաղաքականությունը: Թուրքիան սատարում է և «Իսլամական պետություն» ահաբեկչական խմբավորմանը, սատարում է Ադրբեջանին, շրջափակման մեջ է պահում Հայաստանը: Այս ամենը ցույց է տալիս, որ քանի դեռ դահիճը չի պատժվում, վտանգ կա նոր ցեղաասպանությունների: Մենք ունենք կոչ աշխարհին, որը հետևյալն է՝ մենք պետք է վերջ դնենք կրկնակի ստանդարտներին, մենք պետք է պայքարենք անցյալի ցեղասապանությունների դատապարտման համար, պետք է պայքարենք Թուրքիայի ժխտողական քաղաքականության դեմ: Միայն այդ դեպքում մենք նոր Էրդողաններ և Ալիևներ չենք ունենա: Այսօր մենք պետք է կարողանանք համախմբել բոլոր ցեղասպանված ժողովուրդների ջանքերը»,- ասաց ԱԺ փոխնախագահը:

Նա նկատեց, որ թե հայերը, թե հույները ունեն 2-ական պետություն՝ Հայաստանը և Արցախը, Հունաստանը և Կիպրոսը: «Մենք պետք է միասնական լինենք միջազգային հարթակներում: Այսօր երեկոյան ես մեկնում եմ Աթենք: Այնտեղ հանդիպելու եմ պաշտպանության նախարարի, խորհրդարանի ղեկավարի հետ, մասնակցելու եմ ոգեկոչման միջոցառումներին, ունենալու եմ ելույթներ: Նպատակը մեկն է՝ որպեսզի մենք խորհրդարանական և միջազգային հարթակներում համատեղենք մեր ուժերը ընդդեմ ոչ միայն անցյալի, այլ նաև այսօրվա ցեղասպան քաղաքականության, որ իրականացնում են Թուրքիան և Ադրբեջանը: Հո ւյներն արդեն ցույց են տվել, որ հայ ժողովրդի եղբայրներն են: Քառօրյա պատերազմի ընթացքում և դրանից հետո, եթե մի քանի արտասահմանյան պատվիրակություններ եկան, այցելեցին Եռաբլուր և Արցախ, դա առաջին հերթին Հունաստանն էր: Երկու հույն պատգամավորներ այցելեցին Եռաբլուր, այնուհետև այցելեցին Արցախ, հանդիպումներ ունեցան Արցախի ղեկավարության հետ: Մեր կոչը մեկն է՝ լույսի և խավարի պատերազմում հաղթելու է լույսը: Այլընտրանք չկա: Եթե իրենց հովանավորները նավթադոլարներն են, ապա մեր հովանավորն Աստված է և մեր քրիստոնեական հավատն ու բռունցքը: Մենք պետք է միավ որվենք, որպեսզի թույլ չտանք մեկ դար առաջ իրականացված հանցագործությունների կրկնությունը: Եվ թույլ չենք տալու: Այսօր մենք ունենք 4 անկախ պետություն՝ Հայաստան, Արցախ, Հունաստան և Կիպրոս: Եվ այս քառյակի միասնությունը հանգեցնելու է թուրքական ժխտողականության տապալման»,- եզրափակեց Էդուարդ Շարմազանովը:

Հայաստանում Հունաստանի դեսպան Իոաննիս Տայիսն էլ իր խոսքում ընդգծեց, որ մայիսի 19-ին լրանում է Պոնտոսի հույների ցեղասպանության 100-րդ տարելիցը: «Այսօր մենք հիշում և հարգանքի տուրք ենք մատուցում Պոնտոսի հույների ցեղասպանության զոհերի հիշատակին: Ողբերգական այդ իրադարձությունները սկսվեցին 1916թ. և շարունակվեցին մինչև 1923թ.: Այդ ժամանակահատվածում Օսմանյան Կայսրությունում բնակվող շուրջ 350 հազար Պոնտոսի հույներ սպանվեցին և բռնի կերպով տեղահանվեցին: Պոնտոսի հույների և հայերի ցեղասպանությունը, որն իրականացվել է նույն ժամանակահատվածում, մարդկության պատմության ամենաողբերգական իրադարձություններից են»,- ասաց դեսպանը:

Նա հիշեցրեց, որ անցյալ տարի Հայաստանի խորհրդարանը ճանաչել ու դատապարտել է Օսմանյան Կայսրությունում հույների ցեղասպանությունը: Դեսպանի խոսքով՝ սա ցույց է տալիս հայ և հույն ժողովրդի միասնականությունը, բարեկամական կապերը ու պայքարի վճռականությունը: Տայիսը նշեց, որ բոլորը պետք է հիշեն ու դատապարտեն հույների ու հայերի ցեղասպանությունը և քայլեր ձեռնարկեն, որպեսզի նման հանցագործություններն այլևս երբեք չկրկնվեն:

2015թ. մարտի 24-ին Հայաստանի խորհրդարանը միաձայն ընդունեց Օսմանյան Թուրքիայում  Պոնտոսի հույների և ասորիների ցեղասպանությունը դատապարտող հայտարարություն: Հայտարարության ընդունմանը միաձայն կողմ քվեարկեց 118 պատգամավոր: