Գոհար Ավետիսյանը բաժանվել է նշանածից (ֆոտո)

Մոսկվաբնակ հայտնի ոճաբան Գոհար Ավետիսյանը բաժանվել է իր նշանածից: Այս մասին տեղեկանում ենք նրա Instagram-ից, որտեղ Գոհարը հուզիչ գրառում ու սև ու սպիտակ լուսանկար է հրապարակել՝ մակագրելով.

«Այս լուսանկարն արվել է շատ վաղուց, երբ ես ուզում էի դեպի իմ հոգին բացող դռների կադրեր ստանալ … Այսօր ես հենց նման վիճակում եմ: Ոչ մի կերպ չեմ կարողանում հավաքել մտքերս, որ նկարագրեմ այն, ինչ տեղի է ունեցել վերջին շրջանում, թեև ձեզնից շատերը ինչ-որ անսովոր բան էին նկատել: Դա այնքան ցավալի է … Բոլոր երազանքները, պլանները, նպատակները, հարսանեկան նախապատրաստությունները, հարսանեկան զգեստը, ընտանեկան նոր կյանքի մասին երազանքները հօդս են ցնդել …

Առաջ, երբ ես տեսնում էի զույգերի, որոնց ամուսնությունը մինչև հարսանիք չէր կայանում, ինչ-որ տեղ ենթագիտակցորեն դատապարտում էի նրանց ու մտածում, որ «նրանք ճիշտ չեն վարվել», մինչև Աստված ինձ նման փորձություն չուղարկեց …

Դուք մինչև վերջ չեք իմանա բոլոր պատճառները, որոնց պատճառով բաժանվել է այս կամ այն զույգը, բացի սովորական «բնավորությունները չհամապատասխանեց» պատճառաբանությունից, այդ պատճառով էլ երբեք մի՛ դատապարտեք, ավելի մի՛ ցավացրեք:

 

Շնորհակալություն իմ կյանքի հնդկական հեքիաթի համար: Ինչ ափսոս, որ տխուր ավարտ ունեցավ: Խոստանո՛ւմ եմ, աղջիկնե՛ր, որ ամուր ու ուժեղ եմ մնալու:

Ծնողներս փորձում են աջակցել, ողջ ժամանակ կատակում են, ուրախացնում, տանջվում են առողջությանս ու ներքին ինքնազգացողության պատճառով, որը արդեն վաղուց իր մասին հիշեցնում է:

Ես 22 տարեկան եմ, ինձ հանգստացնում եմ, որ կյանքը դեռ նոր է սկսվում … ու ամեն ինչ դեռ առջևում է:

Բա՛րև, միայնություն»:

Հիշեցնենք, որ զույգի նշանադրությունը տեղի էր ունեցել 2015թ.-ի դեկտեմբերին: