Ռոսգոստրախ Արմենիան ամփոփեց ուսանողների մրցույթի արդյունքները

ՌՈՍԳՈՍՍՏԱՐԱԽ ԱՐՄԵՆԻԱ ընկերությունն ամփոփեց ուսանողների համար հայտարարված մրցույթի առաջին ՝ ռեֆերատների փուլի արդյունքները: Հաղթող են ճանաչվել.

- Շուշանիկ Գյոլչանյան

ԵՊՀ Տնտեսագիտության և կառավարման ֆակուլտետի, Տնտեսագիտության տեսություն բաժնի 4-րդ կուրսի ուսանողուհի

- Անահիտ Ավետիսյան

ՀՊՏՀ Ֆինանսական ֆակուլտետի Ապահովագրական գործ բաժնի մագիստրատուրայի 1-ին կուրսի ուսանողուհի

- Սինարա Ղարիբյան

ԵՊՀ Տնտեսագիտության և կառավարման ֆակուլտետի, Տնտեսագիտության տեսություն բաժնի 4-րդ կուրսի ուսանողուհի Մասնակցության հայտ ներկայացրած 60 ուսանողներից 23-ը աշխատանքները հանձնել էին սահմանված ժամկետում:

Յուրաքանչյուր աշխատանք գնահատվել է ՌՈՍԳՈՍՍՏՐԱԽ ԱՐՄԵՆԻԱ ընկերության 3 մասնագետի կողմից՝ 5 բալային համակարգով: Առավելագույն բալեր հավաքած 13 աշխատանքների հեղինակները հրավիրվել էին պաշտպանելու իրենց ռեֆերատները:

Երեկ մեկնարկած երկրորդ՝ նոր ապահովագրական պրոդուկտի մշակման փուլին մասնակցելու իրավունք է ստացել 9 ուսանող.

- Առաջին փուլի հաղթողները,

- 4 բալից ավելի հավաքած ուսանողները

- ՌՈՍԳՈՍՍՏՐԱԽ անվանական կրթաթոշակ ստացող ուսանողները

Առաջին փուլի հաղթող ճանաչված ուսանողներին պատվոգրեր և մրցանակներ հանձնեց ՌՈՍԳՈՍՍՏՐԱԽ ԱՐՄԵՆԻԱ ընկերության Անձնակազմի կառավարման դեպարտամենտի ղեկավար Անահիտ Աստաբաթցյանը: Իր խոսքում նա նշեց. «Բացի այս մրցույթից մենք իրականացնում ենք մի շարք այլ կրթական ծրագրեր, որոնք համարում ենք հաջողված. դրա մասին են վկայում հետևյալ թվերը. նախագծերին մասնակցած ուսանողներից 50-ը այսօր հանդիսանում են մեր ընկերության հաստիքային աշխատողներ, իսկ դա կազմում է Ընկերության ընդհանուր աշխատակազմի մոտ 15% -ը: Իսկապես դա արդյունավետության բարձր ցուցանիշ է: Ապահովագրական բիզնեսի հաջողության գլխավոր գրավականը մարդն է, և կրթության մեջ միջոցների ներդրումը մեզ համար առաջնային է: Ստեղծել քաղաքակիրթ ապահովագրական շուկա Հայաստանում՝ մեր առաքելությունն է, և ՀՀ, 0001 Հյուսիսային պողոտա 1, Հեռախոս` (010) 59-10- 10 ստանձնած առաքելության շրջանակներում մենք շարունակելու ենք խորացնել մեր համագործակցությունը ԲՈՒՀ-երի և ուսանողության հետ»:

Ուսանողներին շնորհավորեցին նաև արարողությանը ներկա գտնվող ԲՈՒՀ-երի ներկայացուցիչները, մասնավորապես ՀԱԱՀ ագրոբիզնեսի և շուկայաբանության ֆակուլտետի դեկան Հրաչիկ Ջավադյանը,ԵՊՀ Տնտեսագիտության և կառավարման ֆակուլտետի դեկան Հայկ Սարգսյանը, ՀՊՏՀ Բանկային գործ և ապահովագրական գործ ամբիոնի վարիչ Աննա Ասլանյանը, Հայ-ռուսական սլավոնական համալսարանի Տնտեսագիտության և բիզնեսի ինստիտուտի փոխտնօրեն Ժիրայր Արամյանը:

Առաջին անգամ անցկացված մրցույթի հաղթողը՝ Պետական տնտեսագիտական համալսարանի ուսանողուհի Աննա Ղալայանը, Մոսկվայում ստաժավորումից հետո աշխատանքի է հրավիրվել ՌՈՍԳՈՍՍՏՐԱԽ ԱՐՄԵՆԻԱ ընկերություն, և այսօր հանդիսանում է Նոր պրոդուկտների մշակման բաժնի մասնագետ:

Հիշեցնենք, որ երկրորդ փուլի հաղթողները կստանան դրամական մրցանակներ. առաջին տեղ՝ 300,000 դրամ, երկրորդ՝ 200,000 դրամ և երրորդ՝ 100,000 դրամ: Գլխավոր մրցանակ՝ եռօրյա այց Մոսկվա, որի ընթացքում հաղթողը կանցնի ստաժավորում ՌՈՍԳՈՍՍՏՐԱԽ ընկերությունում, ինչպես նաև կմասնակցի Մոսկվայի լավագույն ԲՈՒՀ-երից մեկի ապահովագրության դասընթացներին: