Կորսված տարածքները հերմինենաղդալյանների և վահրամբաղդասարյանների խնդիրը չէ

Կարեն Համբարձումյանը ֆեյսբուքյան իր էջում գրում է.

նձ զարմացնում է, երբ ժողովուրդը և ԶԼՄ-ները զարմանում են հերմինենաղդալյանների, վահրամբաղդասարյանների հայտարարությունների վրա։ Ախր դուք չգիտեք, որ այս մարդիկ պետական գործիչներ չեն, այո նրանք զբաղեցնում են պետական պաշտոններ, բայց պետական մտածողություն չունեն, քանի որ մեր երկրում այս աթոռները զբաղեցնելու համար, կարծում եմ բոլորին է հայտնի, պետական մտածողությունը չափանիշ չէ։ Պետական պաշտոնը սեփական ընտանիքի և բիզնեսի բարգավաճմանը ծառայեցնողներին շատ հետաքրքիր է, թե քանի հոգի է զոհվել և զոհվում այդ հողերի համար։ Չէ որ վերջին հաշիվով այդ զոհվածները նրանց որդիները չեն, վերջին հաշվով իրենք այս պահի դրությամբ ապահովել են իրենց երեխաների անվտանգությունն ու բարեկեցությունը՝ իրագործելով այն նպատակաը ինչի համար պետական պաշտոն են ձեռք բերել։ Նրանց նպատակների մեջ չի մտնում ժողովրդի անվտանգության և բարեկեցության ապահովումը, ուրմեն ինչու պետք է անհանգստանան ինչ-որ կորցված տարածքների համար, ինչի արդյունքում մի քանի գյուղ զրկվում են իրենց բնակավայրում անվտանգ ապրելու հնարավորությունից։ 
Ախր չեք հասկանում, այս մարդկանց համար միևնույն է, երբ հանկարծ ադրբեջանակն հրթիռները հասնեն Երևան, իրենք վայրկյան առաջ իրենց զավակների հետ իրենց ինքնաթիռներով կլքեն երկիրը դեպի աշխարհի տարբեր կետեր, որտեղ ժողովրդի հարկերով հասցրել են բնակարաններ ձեռք բերել, հաշիվներ բացել։ Ուստի կորցված տարածքները հերմինենաղդալյանների և վահրամբաղդասարյանների խնդիրը չէ, դա ժողովրդի խնդիրն է, և այն ինչպես միշտ ստիպված է լուծել այն միայնակ։