Դմիտրի Շեպելեւը սեր է խոստովանել Ժաննա Ֆրիսկեին

Այն բանից հետո, երբ փրանքերները «ծուղակն են գցել» Ժաննա Ֆրիսկեի հորը, հայտնի են դարձել նաեւ նույն «Զանգը» հեռուստաշոուի շրջանակում «ծուղակն ընկած» Դմիտրի Շեպելեւի հետ հաղորդավարների զրույցի մանրամասները:

Շեպելեւն անկեղծ խոստովանել է նախկին սիրեցյալի՝ հանգուցյալ Ժաննա Ֆրիսկեի նկատմամբ իր զգացմունքների մասին:

Հաղորդավարները զանգել էին Դմիտրի Շեպելեւին եւ ներկայացել որպես Ժաննա Ֆրիսկեի հայր: Կարծելով, թե խոսում է Վլադիմիր Բորիսիի հետ՝ Շեպելեւը պատմել է Ժաննայի նկատմամբ իր զգացմունքների մասին:

«Ես եկա ձեր տուն բաց սրտով: Ես հոգ էի տանում ձեր դստեր մասին, քանի որ սիրում եմ նրան: Այն ամենը, ինչ դուք իմ մասին տարածել եք հեռուստաալիքներով, սուտ է: Ես առաջվա պես սիրում եմ ձեր դստերը: Ես նրա մասին հոգ եմ տարել առաջին օրվանից սկսած մինչեւ վերջին օրը, ու արել եմ ամեն ինչ, որպեսզի նա հնարավորինս երկար մնա իմ եւ ձեր հետ: Եվ մենք նրա համար երկու տարի շահեցինք: Եթե ես չսիրեի նրան՝ առաջին իսկ օրը կլքեի նրան: Ես նրա կողքին եմ եղել երկու տարի՝ իմ կյանքի ամենածանր երկու տարիներին: Ես այդ երկու տարվա մեջ ծերացա, մազերս սպիտակեցին, բայց ես չեմ զղջում, քանի որ սիրում եմ ձեր դստերը»,- ասել է Շեպելեւը:

Շոումենը բացատրել է, թե ինչու Ժաաննայի ծնողներին թույլ չի տալիս հանդիպել իրենց թոռնիկի՝ Պլատոնի հետ:

«Այս ամենը դուք արեցիք: Ես լռում էի: Հավատացեք, ես չեմ առարկում, որ դուք շփվեք երեխայի հետ, բայց դուք այսօրվա դրությամբ բազմաթիվ սխալներ եք գործել: Ես ուզում եմ, որ Պլատոնը տատիկ ու պապիկ ունենան: Ես գիտեմ, որ ձեր կորուստը ամենամեծն է եղել՝ դուք դուստր եք կորցրել: Ես ոչ թե ինձ եմ պաշտպանում, այլ իմ երեխային: Ես իմ որդուն կպաշտպանեմ այնքան ժամանակ, քանի դեռ դուք չեք հանգստացել ու կարգի չեք բերել ձեր զգացմունքները»,- նշել է շոումենը

Նշենք, որ Վլադիմիր Բորիսին փրանքերների հետ զրույցից հետոդիմում է գրել «ՆՏՎ» հեռուստաալիքի ղեկավարությանը: Նա իր նամակում մասնավորապես գրել է, որ համաձայն չէ իր անձնական կյանքին վերաբերող տեղեկությունների տարածմանը ու նշել, որ նման դեպքերը օրենքով հետապնդվում են:

NEWS.am STYLE