Հետաքրքիր փաստեր Քանյե Ուեսթի մասին

«Գրեմմի» մրցանակակիր, դերասան, պրոդյուսեր և հայտնի հեռուստաաստղ Քիմ Քարդաշյանի ամուսին, ռեփեր Քանյե Ուեսթը հայտնի է իր համարձակ արտահայտություններով և դյուրագրգիռ բնավորությամբ: Իր հայաստանյան կարճ համերգով նա այստեղ էլ ավելի սիրվեց: 

Քանյե անունը սուախիլիից թարգմանաբար նշանակում է «միակ»: Նա ծնվել է 1977 թվականին Ատլանտայում: Նրա մայրը պրոֆեսոր էր համալսարանում, իսկ հայրը՝ ռասիզմի դեմ պայքարի ղեկավար և ֆոտոլրագրող:

Դպրոցից հետո Քանյեն ընդունվել է Չիկագոյի համալսարան, սակայն հեռացել է այնտեղից երաժշտական կարիերայով զբաղվելու համար:

Սկբում նրա մենեջերը մայրն էր:

2002 թվականի հոկտեմբերին Քանյեն ավտովթարի է ենթարկվել և հրաշքով ողջ մնացել: Նա ունեցել է ծանր վնասվածքներ և երկար ժամանակ մնացել է հիվանդանոցում: Այդ ընթացքում չի դադարել աշխատել և խնդրել է, որ իր հիվանդասենյակ բերեն հատուկ տեխնիկա:

Նրա առաջին սինգլը կոչվում է «Through The Wire», ինչը թարգմանաբար նշանակում է «մետաղալարերի միջով»: Նա այսպես է կոչել երգը, քանի որ դրա ձայնագրման ընթացքում՝ վթարից հետո ծնոտին կրում էր հատուկ երկաթներ:

Նա Ֆիոնա Էփփլի երկրպագու է:

Քանյե Ուեսթը չի վախենում քննադատել անգամ նախագահին: Մի անգամ ուղիղ եթերում նա ասել է «Ջորջ Բուշը թքած ունի սևամորթների վրա»: Ավելի ուշ Էլլեն Դեջեներեսի շոուի ընթացքում ասել է, որ սա ամենաքիչ բանն էր, որ նա կարող էր ասել:

2007 թվականին վիրահատությունից հետո մահացել է նրա մայրը, նա իր մորը նվիրել է «Hey Mama» երգը:

Նա ամուսնացած է եղել դիզայներ Ալեքսիս Ֆայֆերի հետ, 18 ամիս հետո աղջիկը լքել է նրան: Հետո հարաբերություններ է ունեցել Էմբեր Ռոուզի հետ: Իսկ հիմա նա երջանիկ է Քիմ Քարդաշյանի հետ:

Քիմը նկարահանվել է նրա «Bound 2» երգի տեսահոլովակում:

Քանյեին ձերբակալել են տպիչների գողության կասկածանքով, նրան նմանեցրել են գողին: Սակայն հետագայում նրան ազատ են արձակել:

Քանյե Ուեսթի ունեցվածքը կազմում է 120 մլն դոլլար: