Օրգանիզմում մագնիումի պակաս․վտանգներ եւ ախտանիշներ

Մագնիումը նյութ է, որն անհրաժեշտ է օրգանիզմի կենսականորեն կարեւոր գործառույթներից շատերի համար։ Բայց շատ մարդիկ չեն ստանում մագնիումի՝ իրենց անհրաժեշտ քանակությունը։

Մագնիումը օգնում է պահպանել մկանների եւ նյարդերի նորմալ գործունեությունը, ինչպես նաեւ՝ սրտային նորմալ ռիթմը։ Մագնիումը նաեւ օգնում է պայքարել բորբոքման դեմ, ամրացնում է իմունային համակարգը, կարգավորում է արյան մեջ շաքարի մակարդակը եւ մասնակցում է օրգանիզմում ավելի քան 350 բիոքիմիական ռեակցիաների մեջ։ D վիտամինի հետ միասին մագնիումը նաեւ օգնում է կանխարգելել օստեոպորոզի զարգացումը։

Իսկ մագնիումի պակասը կապված է մի շարք հիվանդությունների զարգացման հետ, ինչպիսիք են աթերոսկլերոզը, սրտային նոպան, ինֆարկտը, բարձր ճնշումը, ճարպակալումը, նյութափոխանակման խանգարումը, դիաբետը, ասթման, միգրենը, տագնապային վիճակը եւ դեպրեսիան։ Մագնիումի պակասի հիմնական ախտանիշներն են հոգնածությունը, մկանային կծկումները, սրտխփոցը, գլխացավը, անքնությունը եւ տագնապը։

Մարդու օրգանիզմը չի սինթեզում մագնիում, դրա համար էլ դրա միակ աղբյուրը սնունդն է։ Մագնիումով հարուստ է կանաչ տերեւային բանջարեղենը, ինչպես օրինակ բրոկոլին եւ սպանախը, ընկույզը, ընդեղենը՝ նուշը, քեշյուն, դդմի եւ արեւածաղկի սերմերը, յոգուրտը եւ ձկան որոշ տեսակներ, օրինակ՝ պալտուսը, սկումբրիան։

Մագնիումի պակասի դեպքում որոշ մասնագետներ խորհուրդ են տալիս ընդունել սննդային հավելումներ, որոնք պարունակում են այդ նյութը։ Սովորաբար այդ նյութը մարսվում է օրգանիզմի կողմից եւ հիվանդների մեծամասնության մոտ խնդիրներ չի առաջացնում։ Կանանց խորհուրդ տրվող չափաբաժինը օրական մոտ 400 միլիգրամն է, իսկ տղամարդկանց՝ օրական 500 միլիգրամը։ Կարելի է նաեւ վաննա ընդունել անգլիական աղով՝ (մագնիումի սուլֆատով), շաբաթը՝ 1-2 անգամ։ Դա կնվազեցնի մկանային կծկումները եւ կօգնի թեթեւացնել տագնապը։

NEWS.am Medicine