Գտեք ձեզ, բաց մի թողեք. հաջողության հասնելու դասեր Գոհար Ավետիսյանից.լուսանկարներ

Մեր հայրենակցուհի Մոսկվայի ամենապահանջված դիմահարդար  Գոհար Ավետիսյանը շարունակում է իր գրառումներով մոտիվացնել եւ օրինակ ծառայել մյուսների համար։

Instagram-ի իր էջում Գոհարն անկեղծ գրառում է կատարել, որը ներկայացնում ենք ստորեւ.

«Երբ ձեզ համար շատ դժվար է, թվում է՝ ոչինչ չի ստացվի…երբ ձեզ չեն հավատում անգամ ծնողները, դուք, անկախ ձեզանից, սկսում եք համաձայնվել նրանց հետ, սակայն դա սխալ է։ Գտեք ձեզ հենարան. դա կարող է լինել ձեր քույրը, եղբայրը, ընկերը, ում հետ միշտ կարող եք կիսվել։

Իմ երկրորդ խորհուրդը. շատ աշխատեք, միայն աշխատասիրությամբ են հասնում ամեն ինչի։

Երրորդ. ռիսկի դիմեք։ Շատ հաճախ մենք ափսոսում ենք, որ ինչ-որ ժամանակ քայլ չենք կատարել, բայց կարող էինք։ Գործե’ք. խենթերին հաջողություն է սպասվում։ Ես հաճախ եմ ձեզ հետ կիսվում իմ պատմությամբ, որովհետեւ գիտեմ, որ դա չի կարող չմոտիվացնել։

Ես 22-ամյա Գոհարն եմ, դիմահարդար-ոճաբան եմ, ստեղծում եմ կերպարներ՝ արքայադուստրերին վերածելով թագուհիների։ Մանկությունից սիրել եմ շպարը, հիացել գեղեցիկ կանանցով եւ հաջողակ մարդկանցով։ 11-12 տարեկանում՝ գողանալով մայրիկիս շպարի պարագաները, ժամերով շպարվում էի, հետո սկսեցի շպարել նաեւ ուրիշներին։ Ես պարզապես այս աշխատանքը սիրում եմ ամբողջ սրտով, այդ պատճառով էլ անվճար դիմահարդարում էի բոլորին՝ միայն թե ինձ վստահեին… երկու տարի անց միայն սկսեցի դրանով գումար վաստակել։ Միայն իմ աշխատանքների վերաբերյալ արված քննադատությունների ու վիրավորանքների շնորհիվ դարձա ուժեղ, դա ինձ մոտիվացնում էր աճել ու աշխատել ինքս ինձ վրա։

Շնորհակալ եմ յուրաքանչյուրին, ով կարեւոր դեր է խաղացել իմ կյանքում. շնորհակալ եմ բոլոր հաճախորդներին, ովքեր ինձ ջերմ են ընդունել, լավ վերաբերվել, բարի եղել իմ հանդեպ, ինչպես նաեւ շնորհակալ եմ նրանց, ովքեր ծայրահեղ վատ են ինձ վերաբերվել։  Դուք ինձ դաս եք տվել, թե ինչպիսին երբեք չպետք է դառնալ։ Անցան տարիներ եւ ես սկսեցի դասավանդել. այո, գիտեմ, որ վայրի է հնչում. ինչ կարող է սովորեցնել «մոլոլետկան», սակայն ես շատ վաղ եմ սկսել եւ շատ աշխատել՝ ձեւավորելով իմ սեփական ոճն ու ձեռագիրը։  Բոլորին մաղթում եմ «գտնել իրենց» եւ երբեք բաց չթողնել, սիրել եւ պաշտել, գովել իրենց, հանդիմանել, բայց չափը չանցնել, սիրել մյուսներին եւ ներել»։