«Կոկա-Կոլա» գնած երեք հայ հաջողակները շահել են Euro 2016-ի ուղեգրեր

 «Կոկա-Կոլա Հելլենիկ Բոթլինգ Քամփնի Արմենիա» Ընկերությունը մայիսի 2-ից հուլիսի 15-ն անցկացնում է Euro 2016 խաղարկությունը: Գլխավոր մրցանակը հուլիսի 2-ին Ֆրանսիայի Բորդո քաղաքում կայանալիք Euro 2016-ի քառորդ եզրափակչի խաղերից մեկի ուղեգիրն է: Ընդհանուր առմամբ խաղարկվում է 5 ուղեգիր, բացի այդ՝ ֆիրմային բաժակներ, գլխարկներ, գնդակներ և սպո րտային պայուսակներ: Խաղարկության մեկնարկից ի վեր արդեն 30.000 շահում է եղել, շահողներից մոտ 10.000-ն էլ հասցրել են ստանալ իրենց մրցանակները: Դրանցից երեքն ուղեգիր են, հաջողակներն էլ Բորիս Բաղդասարյանը, Կարինե Գևորգյանն ու Ալբերտ Սաֆարյանն են` Երևանից: Նրանք հուլիսին կմեկնեն Ֆրանսիա, որտեղ 5 անմոռանալի օր կանցկացնեն ու Բորդո քաղաքում կհետևեն Euro 2016-ին: Ուղեգիր շահելու հնարավորություն ունի դեռ ևս 2 քաղաքացի: Մրցանակների ընդհանուր թիվը 135.000 է: Այս մասին «Արմենպրես»-ին տեղեկացրին «Կոկ ա-Կոլա Հելլենիկ Բոթլինգ Քամփնի Արմենիա» ընկերությունից:

Առաջին ուղեգիրը շահած Բորիս Բաղդասարյանն ասում է՝ հաղորդագրությունն ուղարկելու միտքը որդունն էր, որը ծանոթ էր խաղարկության պայմաններին:

«Խցանի տակի կոդն ուղարկելու հաջորդ օրը զանգահարեցին ու ասացին, որ շահել ենք: Շատ էինք ուրախացել: Չնայած Ֆրանսիայում բազմիցս եմ եղել, ֆուտբոլային հանդիպմանը, հատկապես՝ Եվրոպայի առաջնության խաղերին ներկա չեմ գտնվել»,- ասում է Բաղդասարյանը:

Խաղարկությանը մասնակցելու համար պետք է գնել դեղին խցանով 500 մլ, 1 լիտր կամ 1,5 լիտր տարողությամբ «Կոկա-Կոլա», «Կոկա-Կոլա Զերո», «Ֆանտա Նարինջ» կամ «Սպրայտ» ըմպելիքներից որևէ մեկը: Խցանի ներքին մասում նշված 10-անիշ հատուկ կոդն անհրաժեշտ է ուղարկել 1021 կարճ համարին կամ գրանցել այն Euro2016.coca-cola.am կայքում:

Ուղեգիր շահած 53-ամյա Կարինե Գևորգյանը պատմում է, որ ամուսինը գրեթե ամեն օր «Կոկա-Կոլա» է ըմպում՝ շատ է սիրում: Շահումն ընտանիքում առաջինը չէ (մինչև այս արդեն գլխարկ ու բաժակ էին շահել), բայց գլխավորն է:

«Ուրախությանս չափ չկա: Չէինք հավատում, որ շահել ենք: Հրաշք էր... Մեր ընտանիքի ֆուտբոլասերը ես եմ, և մեծագույն հաճույքով ամռանը Բորդո կմեկնեմ: Բացի այդ, մանկուց երազել եմ տեսնել Ֆրանսիան, բայց մինչև օրս չի ստացվել: Ինչպես ասում են՝ եթե մի բանի մասին շատ ես երազում, ուրեմն երազանքդ անպայման կիրականանա: Իմ երազանքը կատարվեց»,- զգացողություններով կիսվում է Կարինե Գևորգյանը:

Գլխավոր երրորդ մրցանակին արժանացած Ալբերտ Սաֆարյանը «Կոկա-Կոլա» զովացուցիչների սիրահար է, ուղեգիրն էլ շահել է հենց առաջին SMS հաղորդագրությունն ուղարկելով: Բացի այդ, նաև ֆուտբոլի մեծ երկրպագու է:

«Խաղարկության պայմաններին ծանոթ էի, գիտեի, որ հնարավոր է շահել: Ի դեպ, ընկերս 2010-ին Հարավաֆրիկյան Հանրապետությունում ֆուտբոլի աշխարհի առաջնության ուղեգիր հաղթողներից մեկն էր, այնպես որ հավատում էի, որ գուցե մի օր ես էլ շահեմ: Ուղարկեցի, բայց երբ զանգահարեցին ու ասացին, որ հաղթել եմ, չհավատացի՝ կարծում էի, թե ընկերներիցս մեկն է, կատակում: Ուղարկածս կոդը կրկնելուց հետո միայն հավատացի, որ իրոք շահել եմ»,- ասում է Ալբերտ Սաֆարյանը:

Գրանցման վերջնաժամկետը հուլիսի 15-ն է՝ մինչև ժամը 00:00-ն, բայց ուղեգրերի վերջին վիճակահանությունը կայանալու է հունիսի 7-ին: Մրցանակների վիճակահանությունն անցկացվում է ամեն օր, իսկ գլխավոր մրցանակի՝ ուղեգրերի հաղթողները որոշվում են շաբաթական պարբերականությամբ: