Ինչպես մրգերով հավի տոտիկներ պատրաստել

Ո՞վ չի սիրում հավի տոտիկներ։ Հավի միսը կարելի է պատրաստել տարբեր սոուսներով, մարինադներով, սակայն դժվար թե հնարավոր լինի նույն կերպ պատրաստել մսի մյուս տեսակները։ Ձեզ ենք ներկայացնում հավի մսի պատրաստման էկզոտիկ տարբերակ։ Առաջարկում ենք հավի տոտիկները պատրաստել կիվիով, նարինջով, տանձով եւ տարբեր համեմուքներով, որն այս, թվում է՝ սովորական ուտեստին, արտասովոր ու սուր համ կհաղորդի, ինչպես նաեւ հիանալի բույր։

Թխված մրգերով հավի տոտիկներ պատրաստելու համար ձեզ անհրաժեշտ են հետեւյալ բաղադրիչները. միջին չափսի հավի 10 տոտիկներ, 2 միջին չափի կիվի, մեկ նարինջ (ցանկալի է՝ մեծ), ձիթապտղի ձեթ, աղ, աղացած կծու եւ քաղցր պղպեղ, ինչպես նաեւ 1/4 թեյի գդալ աղացած սեւ պղպեղ, սուսամբար, հազրեվարդ եւ չաման։

Բաղադրատոմսում նշված բոլոր համեմունքները պետք է խառնել, դրանցից մի քանիսը՝ լրացուցիչ աղալ, որպեսզի փոշու տեսք ստանան։ Հավի տոտիկներն անհրաժեշտ է լվանալ, թղթե սրբիչով չորացնել եւ բոլոր կողմերից քսել բուրավետ խառնուրդը, դնել սառնարան եւ թողնել 30-60 րոպե, որից հետո տապակել ձիթապտղի ձեթի մեջ։

Կիվին անհրաժեշտ է մաքրել եւ միջին հաստությամբ օղակաձեւ կտրատել, լվացած ու կորիզներից մաքրած տանձը կտրատել, նարինջը կեղեւից ազատել եւ շերտերի բաժանել։

Յուղապատ հրակայուն թավայի մեջ դնել տապակած հավի տոտիկները, վրան շարել մրգերը, փակել նրբաթիթեղով, դնել ջեռոցի մեջ եւ թխել 35-40 րոպե, 200 աստիճանով։ Պահանջված ժամանակից հետո մրգերը պետք է հանել, իսկ տոտիկների վրա աղ, ձիթապտղի ձեթ եւ թխելուց առաջացած հյութն ավելացնել, եւս 20 րոպե պատրաստել՝ մի փոքր նվազեցնելով ջերմաստիճանը։

Հավի տոտիկները պետք է մատուցել տաք վիճակում, մրգերի հետ։

Աղբյուրը՝  NEWS.am STYLE