Հայաստանի պետական քաղաքականությունն ուղղված է երեխաների իրավունքների պաշտպանությանը. Հրանուշ Հակոբյան

Երևանի Սիրահարների այգում տոնական տրամադրություն էր, «Սեյվ դը չիլդրեն» կազմակերպությունն անցկացնում էր «Երեխաների ձայնը» միջոցառումը: Այն նպատակ ունի խթանել երեխաների իրավունքների պաշտպանությունը, նրանց մասնակցությունը և լսելի դարձնել երեխաների ձայնը` որոշումների կայացաման գործում:

Միջոցառման շրջանակում անցկացվեցին սեմինարներ, վրանային ցուցահանդեսներ, համերգային ծրագրեր, խաղեր: Սիրիահայերն  էլ իրենց խոհարարական հմտություններով ապահովում էին միջոցառման քաղցրությունը: Հյուրերը հնարավորություն ունեին համտեսելու սիրիահայերի պատրաստած քաղցրեղենը:

[gallery id= 57094]

ՀՀ աշխատանքի և սոցիալական հարցերի նախարար Արտեմ Ասատրյանը լրագրողների հետ զրույցում նշեց, որ ՀՀ կառավարության կողմից որդեգրած քաղաքականությունը միտված է նրան, որ մեր երեխաները խնամք և դաստիարակություն ստանան ընտանիքներում:

«Իհարկե, նախընտրելի է կենսաբանական ընտանիքներում, բայց եթե հնարավոր չէ, գոնե, փոխարինող ընտանիքներում: Այս առումով մեծ քայլեր են իրականացվել: Միջազգային կազմակերպությունների հետ մի շարք ծրագրեր ենք իրականացնում, որպեսզի խնդիրները լուծվեն, և այն ընտանքիները, երեխաները, որոնք լրացուցիչ աջակցության կարիք ունենան, ստանան»,-«Արմենպրես»-ի փոխանցմամբ՝ ասաց նախարարը

Շնորհավորելով երեխաներին` Սփյուռքի նախարար Հրանուշ Հակոբյանը նրանց մաղթեց խաղաղություն:

«Ցանկանում եմ, որ մանուկները խաղաղ պայմաններում ապրեն, կրթվեն, իրենց ցանկություններն ու երազանքներն իրականություն դարձնեն: Ընդհանրապես մեր ընտանիքներում երեխաները յուրահատուկ ձևով են գնահատվում: Կա օրենք «Երեխաների իրավունքներ» մասին, որի հեղինակը ես եմ, ընդունել ենք 1996 թվականին, ուսումնասիրել ենք միջազգային ամբողջ փորձը: Ես կարծում եմ` կրթության, առողջապահության և այլ ոլորտներում երեխաների նկատմամբ կա ընդգծված վերաբերմունք: Ես չեմ կարծում, որ մեր երկրում երեխայի իրավունքները որևէ ձևով խախտվում են: Լինում են առանձին դ եպքեր, բայց մեծ հաշվով մեր պետական քաղաքականությունն ուղղված է երեխաների իրավունքների պաշտպանությանը»,-ասաց Հրանուշ Հակոբյանը:

Անդրադառնալով սիրիահայ երեխաներին` Հրանուշ Հակոբյանը նշեց, որ  մեր պետությունը նրանց համար ստեղծել է բոլոր հնարավորություները: Նրանք սովորում են դպրոցնեում, բուհերում, մանկապարտեզներում` անվճար հիմունքներով, կազմակերպվում է նրանց հանգիստը, նրանք հաճախում են նկարչական երաժշտական դպրոցներ: Հայաստանում կա 2 հազար 500 սիրիահայ երեխա:

Երեխաներին շնորհավորեցին Հայաստանում հավատարմագրված դիվանագիտական ներկայացուցիչները: Հայաստանում Եվրամիության պատվիրակության ղեկավար, դեսպան Պյոտր Սվիտալսկին, Հայաստանում ԱՄՆ-ի արտակարգ և լիազոր դեսպան Ռիչարդ Միլսն իրենց խոսքում մանուկներին մաղթեցին խաղաղություն, շարունակական սեր, որ մեծանան ընտանիքներում, և որ նրանք տեղյակ լինեն իրենց իրավունքներից:

Հայաստանում Գերմանիայի դեսպան Մաթիաս Քիսլերն էլ ընդգծեց, որ մեծահասկաները պարտավոր են հոգ տանել երեխաների մասին:

«Իմ խոսքն ուղղված է այն մարդկանց, ովքեր կառավարում են մեր երկրները` բոլոր երեխաներն ունեն նույն իրավունքներն, ազատությունները: Հայաստանում մի բան լրջորեն տարբերվում է, այստեղ ավելի շատ տղաներ են ծնվում, քան աղջիկներ, իմ ցանկությունն է, որ Հայաստանում նույնքան աղջիկներ ծնվեն»,-հավելեց դեսպանը:

«Երեխաների ձայնը» միջոցառման ժամանակ մեկնարկեց «Սեյվ դը Չիլդրեն» կազմակերպության երկու նոր ծրագիր` «Համայնքահեն ծառայություններ հաշմանադամություն ունեցող երեխաների համար», ինչպես նաև ԵՄ ֆինանսավորմամբ իրականացվող  «Սոցիալական նորարարություններ հաշմանդամություն ունեցող երիտասարդների մասնագիտական կրթության ու աշխատութնակության համար» ծագրերը: