Իտալիան նշում Է Հանրապետության կազմավորման 70-ամյակը

Հունիսի 2-ին Իտալիայի Հանրապետության կազմավորման 70-ամյակի առթիվ Հռոմում անցկացվել Է ավանդական զորահանդես. պատմության մեջ առաջին անգամ շքերթին մասնակցել են իտալական 400 քաղաքների քաղաքապետեր: 

Հանրապետության տոնը նշվում Է ի հիշատակ 1946 թվականի հունիսի 2-ի իրադարձությունների, երբ պետական կառավարման ձեւի հարցի շուրջ անցկացված համազգային հանրաքվեում իտալացիների մեծամասնությունն արտահայտվեց միապետության վերացման, որն իրեն արատավորել Էր Մուսոլինիի ֆաշիստական ռեժիմի հետ համագործակցությամբ, եւ հանրապետության ստեղծման օգտին:

Հանդիսավոր միջոցառումներն սկսվել են առավոտյան, երբ  պետության ղեկավար Սերջո Մատարելոն դափնեպսակ Է դրել Անհայտ զինվորի գերեզմանի Անմար կրակի մոտ, որը գտնվում Է Վենետիկի հրապարակի «Հայրենիքի զոհասեղանի» համալիրի կենտրոնում: Արարողությանը մասնակցել են երկրի բարձրագույն պետական անձինք, այդ թվում՝ վարչապետ Մատեո Ռենցին, պաշտպանության նախարար Ռոբերտա Պինոտին եւ ազգային խորհրդարանի երկու պալատների նախագահները՝ Պիետրո Գրասոն եւ Լաուրա Բոլդրինին:

Հանրապետության տոնի առթիվ հանդիսությունները, որը Ապենիններում պաշտոնական հանգստյան օր Է, կշարունակվեն ամբողջ օրը: Մասնավորապես, Իտալիայի մայրաքաղաքի բնակիչները եւ հյուրերը կկարողանան այցելել նախագահական Կվիրինալյան պալատի այգիներ, որոնք տարվա մեջ միայն մեկ օր են բացվում բոլոր ցանկացողների համար, հաղորդել Է ՌԻԱ Նովոստի գործակալությունը: