Այգուտում ակտիվացել են սողանքները

Գեղարքունիքի մարզի Այգուտ գյուղում, այս տարվա  գարնանից սկսած կրկին ակտիվացել են սողանքները՝ իրենց մեջ ընդգրկելով գյուղամիջյան ու դաշտամիջյան ճանապարհներ, բնակելի տներ, ցանկապատեր ու այլ շինություններ, տնամերձ հողամասեր, անգամ՝ Ճամբարակ-Իջեւան միջպետական նշանակության  մայրուղու հատվածը:

Ինչպես տեղեկացրեց  Այգուտի գյուղապետ Մխիթար Կարապետյանը, սողանքային ակտիվ գոտին գտնվում է գյուղի հյուսիսարերելյան թեւում, գյուղի մի քանի լճակները սնուցող ստորերկրյա ջրերի շրջակայքում: Սողանքներն առավել ակտիվացել են այս տարվա գարնանային ձնհալից ու վարար անձրեւներից հետո: «Տաս տարուց ավելի է, ինչ սողանքները  գրոհում են Այգուտի վրա՝ քանդելով բնակելի տներ, ճանապարհներ, տնամերձ հողամասեր, այլ շինություններ: Ամայացել են շատ տներ, որոնց տե րերը, մոտ 80 ընտանիք պետությունից փոխհատուցում են ստացել՝  նոր բնակարան կամ բնակավայր գտնելու համար: Ցավալի է, բայց այսօր էլ սողանքները սպառնում են նոր բնակարանների, որոնք գտնվում են ինչպես լճի թաղամասում, այնպես էլ լճից վերեւ ու ներքեւ ընկած թաղամասերում: Խնդիրը ներկայացրել ենք Գեղարքունիքի մարզպետարան: Մարդկանց համար շատ դժվար է կռիվ տալ բնության դեմ, բայց ամեն կերպ ուզում ենք պայքարել, պահպանել Այգուտի ընտանիքների քանակը, նրանց աճի ու զարգացման հնարավորությունները: Պատմական Չարդախլուից այստեղ բնավորված մեր գյուղացիները չեն ուզո ւմ հերթական անգամ բաժանվել իրենց համար երկրորդ հայրենիք դարձած Այգուտից, որտեղ ունեն շիրիմներ, որտեղ ապրում են արդեն 27 տարի: Թերեւս, մասնագիտական լուրջ ուսումնասիրություններ են պետք՝ սողանքի հիմնական օջախները գտնելու եւ հետագա ակտիվությունը կանխելու համար, այլապես շատ դժվար կլինի փլվածքնեի դեմն առնելը, մարդկանց վնասները փոխհատուցելը»,-նշեց համայնքի ղեկավարը:

Խոսրով  Խլղաթյան