Մհերի մենահամերգը սիրո խոստովանություն է . «Ты моя невеста»

Ամառը սկսվել է աշխույժ ու ակտիվ ռիթմերով: Հանդիսատեսին հաճելի անակնկալներ են սպասվում` բազմաթիվ համերգների տեսքով: Մշակութային կյանքը վառ և բազմաբովանդակ կլինի, իսկ սիրո պակաս հաստատ չենք ունենա:

Հունիսի 16- ին Ա. Սպենդիարյանի անվան օպերայի և բալետի ազգային ակադեմիական թատրոնում տեղի կունենա MGER ARMENIA մենահամերգը, որը յուրահատուկ խոստովանություն է, քանի որ այն կրում է «Ты моя невеста» խորագիրը: Երգիչը դեռևս իր սրտում է պահում ու փայփայում այն գեղեցկուհու անունը, ով համերգի օրը կիմանա, որ հենց ինքն էր օրվա թագուհին: Մհերի հետ զրույցում պարզեցինք այս նորությունը, իսկ թե ինչու աղջիկն այդ օրը պիտի իմանա, որ ինքն է երգչի հարսնացուն հարցին ի պատասխան Մհերը ժպտաց ու նախընտրեց չմեկնաբանել: Նա միայն ասաց, որ մենահամերգով չի սահմանափակվել. այդ օրը կլինի նաև նոր ձայնասկավառակի շնորհանդեսը` նույնանուն վերնագրով, որը հանդիսատեսը կարող է ձեռք բերել հենց սրահում: «Ձայնասկավառակում տեղ են գտել 13 երգեր, արդեն սիրված և ինչպես նաև նոր ստեղծագործություններ: Առաջին անգամ բեմում ինձ հետ կերգի հարազատ քույրիկս՝ Ռոզա Ֆիլբերգ բեմական անունով, կհնչեն նաև այլ զուգերգեր: Մինչ այդ եթեր կհեռարձակվի ու համացանցում հասանելի կլինի «Ты моя невеста» տեսահոլովակը»,- նշեց Մհերը:

 

 Մհերի մենահամերգին հրավիրված են հարգարժան մտավորականներ, ՀՀ նախագահն ու տիկինը և արվեստին նվիրյալ անձինք:

Դե ինչ, մնում է հուսանք , որ Մհերը համերգից հետո բեմում կբացահայտի այդ չքնաղ հայուհու ով լինելը: