Արեւմուտքի երկրներից Իրաքում եւ Սիրիայում կռվող ԻՊ-ի զինյալները ցանկանում են վերադառնալ հայրենիք. WSJ

Արեւմուտքի երկրներում հավաքագրված քաղաքացիների թվից «Իսլամական պետություն» ահաբեկչական խմբավորման զինյալներն ու նրա կողմնակիցները կորցնում են հավատը եւ ավելի ու ավելի հաճախ են խնդրում օգնել իրենց հայրենիք վերադառնալ Իրաքի եւ Սիրիայի՝ ԻՊ-ի հսկողության տակ գտնվող շրջաններից: Այդ մասին հայտնել Է Wall Street Journal թերթը:

Հրատարակությունը վկայակոչում Է Թուրքիայում վեց երկրների դեսպանությունների դիվանագետներից ստացված տեղեկությունները: Խոսքն այն օտարերկրացիների մասին Է, որոնք, հավատալով ԻՊ-ի քարոզչությանը, մասնակցել են մարտական գործողություններին կամ միայն երդվել են պահպանել հավատարմությունը խմբավորմանը, իսկ այժմ հայտնվել են հուսահատ դրության մեջ: Այն մեծապես պայմանավորված Է Իրաքի զինված ուժերի կողմից Էլ Ֆալուջա քաղաքի ազատագրմամբ եւ սիրիական Ռաքա քաղաքի՝ ահաբեկիչների մեկ այլ հենակետի վրա հարձակման վերսկսմամբ, ճշտում Է հրատարակությունը:

«Նրանց (ԻՊ-ի) ուժերն  սկսում են թողնել քաղաքները: Բազմաթիվ ֆրանսիացիներ վերադառնում են հայրենիք: Նրանց մոտ այն տպավորությունն Է ստեղծվել, թե ամեն ինչ այնպես չի ընթացել, ինչպես իրենք Էին ակնկալում»,-թերթը մեջբերում Է Ֆրանսիայի հատուկ ծառայությունների համակարգող Դիդիե լե Բրեի խոսքը:     

Wall Street Journal-ի տվյալներով՝ Ֆրանսիայի եւ արեւմտյան հինգ այլ երկրների շուրջ 150 քաղաքացիներ դիմել են իրենց երկրների դիվանագետներին՝ խնդրելով օգնել վերադառնալու հարցում: Այդ պետությունների այն ներկայացուցիչների ստույգ թվաքանակը, որոնք հավաքագրված են ԻՊ-ի շարքերում, հայտնի չԷ: 

Տվյալ երկրների հատուկ ծառայություններին այժմ հարկ կլինի փախստակների մանրակրկիտ ստուգում անցկացնել: Անհրաժեշտ Է բացառել այն բանի սպառնալիքը, որ նրանք իրականում չեն զղջացել եւ հատուկ չեն ուղարկվել Փարիզի եւ Բրյուսելի ողբերգությունների նման ահաբեկչական գործողություններ իրականացնելու համար, հաղորդել Է ՏԱՍՍ-ը: