Հայկական շոու-բիզնեսի թմբլիկները

Մարմնի՝ 90/60/90 չափանիշն արդիական է եւ պահանջված ոչ միայն նորաձեւության մեջ, այլեւ շոու-բիզնեսում: Անթերի կառուցվածք պետք է ունենան ոչ միայն մոդելները, այլեւ երգիչները, դերասանները, հաղորդավարները եւ պարզապես հանրությանը հայտնի դեմքերը: Համենայն դեպս, այդպես է պնդում շոու-բիզնեսի չգրված օրենքը:

Բայց մինչ որոշ աղջիկներ սովամահ են լինում սլացիկ կառուցվածք ունենալու համար, մյուսները կոտրում են այդ չափանիշները: Արդեն ներկայացրել ենք աշխարհի հայտնի անձանց, ովքեր հեռու են 90/60/90 չափանիշից, սակայն կարողացել են նվաճել մարդկանց սերը: Իսկ այսօր կներկայացնենք հայկական շոու-բիզնեսի թմբլիկներին: Հայաստանյան շոու-բիզնեսում, սակայն, արտաքինի հետ կապված չափանիշերը երբեք խիստ չեն եղել: Հայ հանդիսատեսն առավել գնահատել է արտիստի տաղանդը, քան արտաքին տեսքը:

Շուշան Պետրոսյանին ավելորդ քաշը չխանգարեց հայտնի եւ սիրված դառնալ, թեեւ նա նիհարելու փորձեր ժամանակին արեց:

 

Սոնա Շահգելդյանը նույնպես մի քանի կիլոգրամով նիհարեց «Նոր ալիք» մրցույթին մասնակցելուց առաջ, սակայն չկարողացավ երկար պահպանել կառուցվածքը:

 

Հասմիկ Կարապետյանին թեեւ գեր չես անվանի, այնուամենայնիվ, այս երգչուհին ժամանակին նույնպես քաշի հետ կապված խնդիրներ ունեցել է: Բայց նա միշտ կարողացել է պայքարել ավելորդ քաշի դեմ:

 

Արշակյան քույրերը երգարվեստ մուտք գործելիս բավական գեր էին: Աստիճանաբար, սակայն, քույրերը նիհարեցին:

 

Դժվար է ասել` չլիներ Արմենչիկն այդքան թմբլիկ, կսիրվե՞ր եւ կընդունվե՞ր հանդիսատեսի կողմից, թե ոչ, բայց փաստ է. նրան սիրեցին՝ անկախ մարմնի քաշից:

 

Ռազմիկ Ամյանը նույնպես դասվում է թմբլիկ հայտնիների շարքում, թեեւ վերջերս նա զգալիորեն նիհարել է:

 

Լիանան իր կարիերայի ընթացքում երբեւէ ակնհայտորեն քաշ չի կորցրել:

 

Աննա Արմենակյանը թեեւ վաղուց բնակվում է ԱՄՆ-ում, սակայն շոու-բիզնեսում առաջին քայլերն արել է Հայաստանում: Այդ ընթացքում քաշի ակնհայտ նվազում նրա մոտ նույնպես չնկատվեց:

 

Մայա Մարգարյանը նույնպես Հայաստանում չի բնակվում: Երգարվեստ մուտք գործելուց հետո նա բազմիցս փորձել է պայքարել ավելորդ քաշի դեմ: