Բնական միջոց՝ քրտինքի տհաճ հոտից ազատվելու համար

Խանութներից գնված դեզոդորանտները ոչ միշտ են արդարացնում  մեր սպասելիքները: Բացի այդ, դեզոդորանտների բաղադրություններում կան նյութեր, որոնք խցանում են քրտնագեղձերը, խափանելով նորմալ աշխատանքը: Այդ իսկ պատճառով առաջարկում ենք պատրաստել դեզոդորանտ բնական միջոցներով, որը կօգնի ձեզ առանց առողջությանը վնասելու:

Այս միջոցի օգտագործումից հետո, դուք այլևս ցակություն չեք ունենա վերադառնալ խանութից գնված ապրանքներին:

Բնական դեզոդորանտ պատրաստելու համար ձեզ անհրաժեշտ է

25 գրամ կերակրի սոդա

15 գրամ եգիպտացորենի օսլա

30 գրամ կոկոսի յուղ

Եթերային յուղեր

Պատրաստման եղանակը.

1. Միասին  խառեք անհրաժեշտ քանակությամբ սոդան և օսլան: Սոդան վաղ ժամանակներից համարվում էր լավագույն միջոցը քրտինքի հոտի դեմ պայքարելու համար, իսկ օսլան արագ ներծծում է խոնավությունը, այդ իսկ պատճառով թևատակերը միշտ չոր կլինեն:

2. Ավելացրեք կոկոսի յուղ: Այն հալվում է 24 աստիճանի պայմաններում, այդ իսկ պատճառով դեզոդորանտը օգտագործելիս այն կսկսի հալվել և օգտագործումը դժվարություն չի ներկայացնի:

3. Կարող եք ավելացնել նաև մի քանի կաթիլ եթերային յուղ: Այդ հոտը Դուք զգալու եք ողջ օրվա ընթացքում, այդ իսկ պատճառով ընտրեք այն, որը Ձեզ չի ձանձրացնի:

4. Տեղադրեք ստացված քսուքը դեզոդորանտի համար նախատեսված տարայում, սեղմեք որ այն խտանա: Այս դեզոդորանտը լավ կլինի պահել սառնարանում:

Ինքնուրույն պատրաստված դեզոդորանտը վնաս չի հասցնում առողջությանը, բայց արդյունքի մեջ կարող եձք համոզվել ինքներդ: