Ազգի մեծամասնությունը չի հասկանում «ազատություն» կամ «եվրոպական արժեք» բառերի իմաստները

Գրիշա Աղաջանյանը ֆեյսբուքյան իր էջում գրում է.

Հայ հասարակության մեջ կան բազմաթիվ կարծրացած դոգմաներ, որոշակի հաստատուն մտքեր, որոնք հիմնականում դառնում են կոմպլեքսների պատճառ: Գոյություն ունի այսպես կոչված "հայկական մենթալիտետը", որը չնայած այն հանգամանքին, որ վերջին տարիներին իր դիրքերը զիջում է ավելի ազատական գաղափարներին, բայց այնուամենայնիվ շարունակում է գոյություն ունենալ: Երբ եվրոպական արժեքներին ի սրտե հավատացող մարդիկ, ասում են, որ մարդ ի ծնե ազատ է և իրավունք ունի ընտրելու , այն, ինչ ցանկանում է, ես բնականաբար չեմ հակաճառում: Այո, դա այդպես է: Նա իրավունք ունի անել այն, ինչ ցանկանում է, բայց ինչպես հայտնի է բոլորին, նրա ցանկությունները չպետք է սահմանափակեն այլոց իրավունքները: Ամեն ինչ պարզ է , երբ խոսքը գնում է իրավաբանական իրավունքների մասին, որոնք ամրագրված են օրենքով, և ունեն հստակ սահմանումներ: Ուղղակի ազգի մեծամասնությունը չի հասկանում "Ազատություն" կամ "եվրոպական արժեք" բառերի իմաստները: Հաճախ շատերը ազատությունը խառնում են ամենաթողության հետ:

Կամ ահավոր, քյառթու դեմքով ռաբիզ անձնավորություններ, կամ փողոցում քայլող կիսամերկ, բոտեքս արած, փաբ դեմքով ու անճաշակ հագնված աղջիկներ: Եվ շատ քչերն են, որոնք գտնվում են նրանց միջև: Սակայն , իրականում, այդ միջինը պետք է կազմեր բնակչության բացարձակ մեծամասնությունը: Բայց, ցավոք, այդպես չէ: Եվ հենց դա էլ ամենակարևոր խնդիրն է: