Ինչպե՞ս հաղթահարել անքնությունը

Քունը առողջության կարևոր գրավականներից մեկն է: Ցավոք, կյանքի այսօրվա ռիթմը հաճախ բերում է քնի խանգարման: Բայց պետք չէ անմիջապես դիմել քնաբերների օգնությանը: Երբեմն լիարժեք քուն կարող է ապահովել մի շարք «խորամանկություններին» հետևելը:

Եթե դուք քնում եք բաց դռնով սենյակում, ապա փակեք այն, որպեսզի հեռացնեք ցանկացած հնարավոր աղմուկ:

Մի զբաղվեք ֆիզիկական վարժություններով և մի խմեք շատ ջուր քնելուց անմիջապես առաջ:

Եթե ձեզ նյարդայնացնում է լույսը, քնելուց առաջ անջատեք բոլոր լույսերը:

Մի խաղացեք խաղեր iPod-ով, համակարգչով, iPad-ով կամ հեռախոսով: Դա խանգարում է ձեր նորմալ քնին:

Պառկեք քնելու հարմար հագուստով: Մի հագեք երկար գիշերանոց, եթե շոգ է: Ծածկվեք մեծ ծածկոցով, եթե ցուրտ է:

Համոզվեք,  որ ձեր բարձը հարմար է  ձեզ: Դա վերաբերում է ինչպես դրա խտությանը, այնպես էլ կտորին:

Հեռացրեք սենյակից ցանկացած բան, որը կարող է իր վրա գրավել ձեր ուշադրությունը, և ձեր քունը կդառնա առավել հանգիստ:

Քնելուց առաջ անպայման պետք է գնալ զուգարան:

Պատկերացրեք որևէ  ձանձրալի գույն, օրինակ, սևը, և փակեք աչքերը: